Rhydychen, Llsgr. Coleg yr Iesu 57 – tudalen 4
Llyfr Blegywryd
4
yỽ. tal y sarhaet teirgeith* gan dri ardyrchafel.
Teir sarhaet brenhin ynt. vn yỽ. torri y naỽd.
nyt amgen. ỻad dyn ar|naỽd y brenhin. Eil yỽ.
pan del deu vrenhin ar eu keffinyd y vynnv
ymaruoỻ. o|r ỻedir dyn yn eu gỽyd. sarhaet y|r
brnhin* yỽ. Trydyd yỽ kam·aruer o|e wreic.
sef yỽ hynny. bot genthi. Tri ryỽ sarhaet
yssyd y bop gỽr gỽreicaỽc. vn yỽ; Y taraỽ ar
y gorff. Eil yỽ. bot araỻ yng|kam·aruer o|e
wreic. Trydyd yỽ. torri naỽd dyn. a|aỻo rodi
naỽd y araỻ trỽy gyfreith. Val hynn y te+
lir sarhaet brenhin. Kan mu yngkyueir
pob kantref o|e arglỽydiaeth. a|gỽialen ary+
ant kyhyt ac o|r ỻaỽr hyt yng|geneu y bren+
hin pa·n eistedo yn|y gadeir. ac yn gyf|vreisget
a|e hiruys. a|their bann arnei. a|their y·danei
kyn vreisget a|r wialen e|hun. a ffuol eur a
angho ỻaỽn diaỽt y|r brenhin yndi. a chlaỽr
eur arnei. kyflet ac wyneb y brenhin. ac yn
gyn dewet y ffuol a|r claỽr ac ewin amaeth
| « p 3 | p 5 » |