Rhydychen, Llsgr. Coleg yr Iesu 57 – tudalen 70
Llyfr Blegywryd
70
y tynnu a|e dỽylaỽ. a gỽan y benn y myỽn
tỽyn yny gudyo y myỽn*. a|e|dodi ar lỽyn a|vo
kyfuch a|gỽr. ac ony byd ar vn o|r|teir gỽanas
hynny. ot a dyn arnaỽ mal y bo marỽ. trae+
an yr alanas a|a ar berchen y gỽaeỽ. Tri o+
uer ymadraỽd a|dyỽedir yn|ỻys. ac ny ffynny+
ant. gỽat kynn deturyt. a|ỻys kynn amser.
Cof a|chynghaỽs gỽedy braỽt. Tri ouer|ỻa+
eth yssyd. ỻaeth cath. a|ỻaeth gast. a ỻaeth cas+
sec. ny diwygir dim am·danunt. Teir sar+
haet o|r keffir trỽy ueddaỽt ny diwygir.
sarhaet yr offeiryat teulu. a|r ygnat ỻys. a|r
medyc ỻys. kany dyly vn o|r tri hynny vot
yn vedỽ vyth. Teir paluaỽt ny diwygir. vn
arglỽyd ar y wr yn|y reoli yn dyd kat a|brỽy+
dyr. Eil yỽ. tat ar y vab yn|y gospi. Try+
dyd yỽ penkenedyl ar y gar yn|y gynghori.
T Eir gỽraged a|dyly eu meibyon tref
eu mam. gỽreic a roder dros y that
yng|gỽystyl. a|chaffel mab o·honei yn|y gỽystlor+
| « p 69 | p 71 » |