LlGC Llsgr. Llanstephan 4 – tudalen 20v
Buchedd Dewi
20v
A phaỽb heb aỻu rif arnadunt a ym+
gynnuỻassant y sened vrefi. ac amot
a|wnaethpỽyt yn|y gynnuỻeitua hon+
no. pỽy|bynnac o|r sened o|r|seint a brege+
thei mal y clywei y niuer hỽnnỽ yn
gyffredin. gadu hỽnnỽ o·honunt yn
bennadur ar seint ynys brydein. Ac
yno y dechreuaỽd y seint bregethu bop
eilwers. ac yna y|dywaỽt un dros y
kyffredin. Y canuet dyn o|r gynnuỻe+
itua honn heb ef ny chlyỽ dim o|r bre+
geth. yr yỽch yn ỻauuryaỽ yn ouer o
gỽbyl. Yna y dywaỽt paỽb o|r seint ỽrth
y gilyd. nyt oes neb o·honam ni a aỻo
pregethu y|r niuer hỽnn. a ni a|e pro+
uassam bop eilwers. a ni a welỽn nat
oes ras yn neb o·honam ni y bregethu
y|r niuer hỽnn. Edrychỽch a medylyỽch
a wdaỽch chỽi a oes neb mor deilỽng
ac y gaỻo pregethu y|r niuer hỽnn yma.
Yna yd attebaỽd paỽlinus sant. a hen
esgob oed ef. Myui heb ef a wnn was
ieuangk tec aduỽyn. ac angel yn wastat
yn gedymdeith idaỽ. a mi a atwaen
heb ef y vot ef yn gymen. ac yn diweir
ac yn caru duỽ yn uaỽr. ac a|wnn y car
| « p 20r | p 21r » |