LlGC Llsgr. Llanstephan 4 – tudalen 53r
Purdan Padrig
53r
O garedic yr aỽr honn y mynnỽn ni
ytti adnabot pa ryỽ le oed y ỻe y gỽe ̷+
leist di y poeneu yndaỽ a phy wlat
yỽ honn yma. O honn y bỽrywyt a+
daf yn kysseuin|dat ni o achaỽs kared
neu gabyl y an·uuyddaỽt. Kynn ang+
heu na|e vynet yn an·uuyd y duỽ yd
oed idaỽ ỻewenyd kyffelyb y veint y|r
hỽnn a wely di. kanys geireu duỽ a
glywei ef ymma yn wastat o leindyt
caỻonn. ac o hynt goruchel welediga+
eth diheu y gỽelei ef yma y gỽyn+
uydedigyon engylyon. Pan dygỽ+
ydaỽd ynteu trỽy an·uuyddaỽt o|r
gỽynuydedigrỽyd hỽnn. ef a|goỻ+
es hoỻ leuuer y vryt. a chan·ny bu
deaỻ ganthaỽ pan yttoed myỽn en+
ryded ef a|gyffelybỽyt y gynnewe+
ith ynuyt. ac ynteu a wnaethpỽyt
yn gyffelyb y|r ryỽ vn hỽnnỽ. Y hoỻ
blant ef a|vỽryỽyt y angheu megys
ynteu o achaỽs kabyl y anuuyỻ+
daỽt ef. O|e gystedigaỽl gabyl ef yn an·u+
uyỻtaỽt yn gỽaraf arglỽyd duỽ
ni a gyffroes y ossot yn arglỽyd ni
iessu grist y vn mab ef y gymryt
| « p 52v | p 53v » |