LlGC Llsgr. Peniarth 11 – tudalen 178v
Ystoriau Saint Greal
178v
am wybot y vot yn|wr egỽann ỻesc. Gỽir yỽ heb y vrenhi+
nes a|m casteỻ inneu heuyt am wybot vy mot yn borth y vren+
hin peleur. ac ef a|daỽ vn weith bob wythnos hyt y|myỽn y+
nys yr honn a|elwir lanoc. ac a|wna ym lawer o wrthgassed
odyno a|ỻad vy marchogyon urdolyon yn vynych a|wnaeth
ef. ac o|m morynyon heuyt. ac y mae yr ynys honno yn|y mor
racko. Ac yna kanhebrỽng paredur a|oruc hi hyt a|r ffen+
estyr a|oed parth a|r mor. Arglỽyd heb hi weldy racko yr ynys.
ac weldy racko y galis a|th ewythyr ditheu yndi. ac weldyma
vyng|galissyeit ynneu a|r|rei yr amdiffynnỽn yn eu|herbyn.
Y R ystorya yssyd yn dywedut anrydedu paredur yn
vaỽr yn|y casteỻ tec hỽnnỽ. a|r vrenhines a|oed yn|y
garu yn gymeint ac nas|gaỻei yn vỽy. ef a|drigyaỽd yno yny
doeth y ewythyr y|r|ỻe y gnottaei dyuot. Yna paredur a beris
gỽisgaỽ y arueu ymdanaỽ. a|gỽedy hynny ef a|beris gỽthy+
aỽ vn o|r|galissyeit y|r mor. ac ynteu a|rỽyfaỽd tu a|e ewythyr.
A|ryued vu gan y ewythyr y|welet yn dyuot. kanys ny wel+
sei ef eiryoet o|r casteỻ hỽnnỽ vn dyn a|lyuassei dyuot yn
erbyn y gorff ef. Ac ar hynny y lestyr ef a|gymerth tir. a|r vren+
hines ynteu a|e thylỽyth a doethant aỻan y edrych ar vatte+
il y nei a|e ewythyr. Brenhin y casteỻ marỽ a|weles y nei
yn dyuot. ac eissyoes nyt adnabu ef baredur. a|pharedur
a doeth attaỽ a|e gledyf noeth yn|y laỽ. a|e|daryan am y vynỽ+
gyl. ac a|ossodes arnaỽ. ar wastat y benn. ac a|e trewis yny ̷
oed y lygeit yn|disserennu gan angerd y dyrnaỽt. a|r|bren ̷+
hin nys eiryachaỽd ynteu namyn y taraỽ a|oruc yny
yttoed y helym yn tardeissyaỽ. a|pharedur ar vrys yna a|e ke ̷+
| « p 178r | p 179r » |