LlGC Llsgr. Peniarth 11 – tudalen 248v
Ystoriau Saint Greal
248v
deithyon yn elynyon idaỽ. na|thitheu ny dylyut y gynghori ef
ar hynny. Ti a|wdost vot brenhin magdalans yn ryuelu arnaỽ.
ac os brenhin claỽdas a ryuela heuyt arnaỽ. ỽynt a|rodant
idaỽ digaỽn o|e|wneuthur. ac am hynny y kynghorỽn i idaỽ efo
yr hedỽch y|r deyrnas. ac yr kynnal y gedymdeithyon yn|y laỽ
gỽrthlad laỽnslot o|e|lys blỽydyngỽeith yny elei y chỽedleu
at vrenhin claỽdas daruot y ỽrthlad o|r|ỻys. ac ueỻy y keffit
caryat brenhin claỽdas. ~
S agamor damunedic yna a|dywaỽt ỽrth briant.
pỽy bynnac a|rodei y arthur y ryỽ gynghor a|hỽnnỽ
am y vilwr kywir. os laỽnslot a|wassanaethaỽd arthur yn gyỽ+
ir. ac os laỽnslot a|ladaỽd elinans yr hỽnn a|oed yn ryuelu ar ̷
arthur. a heb na murn na ỻetrat y ỻas laỽnslot ef. os arthur
gỽedy hynny a|ỽrthladei laỽnslot ac a|e gyrrei ymeith y ỽrth+
aỽ. ys|da lauur a|gaỽssoedyat ef. a|gỽedy hynny ac atuyd bre˄n+
hin claỽdas a barei yspio laỽnslot o|e|lad. a ỻyna a vydei an+
ryded maỽr y arthur. Nyt ydwyf|i yn|dywedut hynny yr
bot ar laỽnslot ovyn brenhin claỽdas corff yn erbyn corff.
nac ovyn y milỽr goreu o|e|gyuoeth. a|ỻawer peth a|doeth
y|dyn heb ymoglyt racdaỽ. ac os arthur a ryd kennat y
laỽnslot vlỽydyn y vot y ỽrthaỽ. ef a debygir mae ỻyvyr·der
ac ovyn. ac na|buassei arthur y gynnal rac y|ỻaỻ. Y·gyt a
hynny hevyt heb ef na myui nac araỻ ny dylyei ymdiry+
et vyth y arthur y* arthur* gỽedy hynny. Sagamor heb+
| « p 248r | p 249r » |