LlGC Llsgr. Peniarth 18 – tudalen 36r
Brut y Tywysogion
36r
adyr y yỽein vychan. Y ulỽydyn racỽynep y kyfuna+
ỽd yỽein a chadỽaladyr meibon grufud ap kynan o|ỽyn+
ed. a rys ap gruffud ap rys o deheubarth yn erbyn
yỽein kyueilaỽc ac y|dugant y|gantaỽ gaer eina+
ỽn. Ac y|rodassant y yỽein uychan ap madaỽc ap
maredud. Odyna yd ennillassant davalỽern a|hon+
no a|rodet yr arglỽyd rys. kanys o|e gyuoeth y
dyỽedit y|hanuot. ny bu uaỽr ỽedy hynny yny de+
uth yỽein kyueilaỽc. A llu o|r ffreinc ygyt ac ef.
am|benn castell caer einaỽn yr hỽnn a|ỽnaethoed
kymry kynn o hynny. A gỽedy ennill y castell y|tor+
ri a|ỽnaeth a|e losci a|llad y|holl ỽarcheitỽeit. Ynn
diỽed y ulỽydyn honno y kyrchaỽd yỽein a|chadỽa+
ladyr tyỽyssogyon gỽyned ar arglỽyd rys tyỽys+
saỽc deheubarth. a|e lluoed ygyt ac ỽynt. am|benn
castell rudlan yn tegeigyl. Ac eisted ỽrthaỽ tri|mis
a|orugant. A gỽedy cael y castel a|e torri a|e losci.
A chastell prystatun heuyt ygyt ac ef. yr ymhoela+
ỽd y kymry ynn hyuryt uudugaỽl paỽb yỽ ỽlat.
Yn|y ulỽydyn racỽyneb y llas gỽrgeneu abat. a|llaỽ+
den y|nei. y|gann gynan ap yỽein. Y|ulỽydyn racỽy+
neb y rydhaỽyd robet ap ystyuyn o garchar yr
arglỽyd rys y|gyueillt ac y|duc diermit uap
mỽrthach ef hyt yn|y Jỽerdon gyt ac ef. Ac yr|tir
y doethoent y lỽch garmon. Ac ennill y castell a|ỽn+
aethant. Y|ulỽydyn racỽyneb y|llas meuryc ap
| « p 35v | p 36v » |