LlGC Llsgr. Peniarth 190 – tudalen 219
Ymborth yr Enaid
219
drindaỽt gyssegredic o nef. Ac odyna y
dyd hỽnnỽ. nyt amgen duỽ sul. kymer gym+
mun corf crist. a|r nos honno. o anryded
y drindaỽt. ac o nerth a gwyrtheu corf crist
agatuyd ti a geffy hun araỻ a vo perach
no honno. a gỽeledigaeth a vo mỽy a|pher+
ffeidyach. Ac odyna diolch y|r drindaỽt gan
dywedut y geireu vry. nyt amgen. Moly+
ant gogonyant. Kymer vchot.
D ywetter beỻach am naỽrad yr engy+
lyon. A pha|ryỽ dynyon a|dylyer
eu kyflehau ympob vn o|r gradeu hynny.
Engylyon yn efrei a|elwir. Malaoth.
Sef yỽ hynny yng|kymraec kennadeu.
kennattau. a menegi ewyỻys duỽ a|w+
nant y|r bobyl. Naỽrad a|dyweit yr ys+
gruthyr lan eu bot o|r engylyon. nyt am+
gen. Engylyon. archengylyon. Kadeireu.
arglỽydiaetheu. Tywyssogaetheu. medy+
anneu. Nerthoed. Cherubẏn. a|seraphin.
| « p 218 | p 220 » |