LlGC Llsgr. Peniarth 190 – tudalen 221
Ymborth yr Enaid
221
neu gnaỽt. Megys yd anvonet y iachau
tobias hen o|e deỻi. Gyt a|r archengyly+
on y kyfleheir dynyon a wypont gyfrin+
acheu nefolyon gymenediweu. ac a|e
manackont ac a|e dysgont y ereiỻ yn
garedic drugaraỽc. Tywyssogaetheu
ynt y rei y bo ydanunt toruoed o eng+
ylyon ac o archengylyon ỽrth gỽplau
gỽassanaetheu duỽ. ac a vont. yn kyfeis+
ted ac ef. Ac ygyt ac ỽynt y kynhỽyssir
dynyon a|arueront o ysprydolyon gam ̷+
peu yn ragorus rac paỽb. ac a|wledych+
ont o|e kampeu ar eu kyt·etholedigyon
ereiỻ vrodyr. Medyanneu ynt y rei y
bo hoỻ nerthoed yr engylyon gỽrthỽyne ̷+
bedigyon udunt yn|darostỽng hyt na
chaffont argywedu y|r byt ỽrth eu myn+
nu. Ac ygyt ac ỽynt y kynhỽyssir dyny+
on a|rodo yr yspryt glan udunt vedyant
y vỽrỽ kythreuleit a|dryc·ysprytoed o gal ̷+
lonneu y rei ereiỻ. Kadeireu ynt. eisted+
| « p 220 | p 222 » |