LlGC Llsgr. Peniarth 190 – tudalen 231
Penityas
231
wedy y drossi drỽy drugared duỽ a|gyt+
nerthaỽd y vrodyr. Ac ysponet idaỽ
o baỽl ebostol yr hỽnn a wnaethpỽyt
o ymlitywr yn ỻestyr etholedigaeth.
a dywedet idaỽ am veir vadlen yr
honn a vu bechadures. a pha ffu+
ryf y gỽnaethpỽyt drỽy y phenyt
yn haual o|r ebystyl. Gỽedy hynny
dywedet idaỽ byrr ymadraỽd anno+
gyaỽdyr gan dywedut ỽrthaỽ. gor+
dineu di dy gaỻon megys dỽfyr
geyr bronn yr arglỽyd. Y gỽlybyreu
ereiỻ pan eu dineuer megys drỽy
drigyan y kerdant. ac ỽynt a|adaw+
ant ryỽ olwed yn|y ỻestyr. a|r dỽfyr
pan dineuer a syrth yn haỽd y·gyt
yn gỽbyl. Ac y mae rei nyt ym·or+
dineuant yn gỽbyl megys y rei
a gyffessant yn dyrys. a thrỽy drigy+
an. megys gan drỽy amgylch·yon.
gan escussodi. neu odeneuhau y
| « p 230 | p 232 » |