LlGC Llsgr. Peniarth 190 – tudalen 85
Ystoria Lucidar
85
am y penytwyr. Magister Ar|gyhoed na alỽ di ỽynt
yn benytwyr. namyn yn|wattwarwyr ar duỽ.
kanys keỻweiryaỽ duỽ a|wnant ac eu tỽyỻaỽ
e|hunein. a ỻawenhau a|wnant pan wnelont
drỽc. a hynny yn|y petheu gỽaethaf. pan
ladont dynyon y kanant. pan wnelont bu+
teinrỽyd y ỻawenhaant. pan dyngont an+
nudoneu. neu pan ledrattaont y chward+
ant. pan vont yn|y penyt y keissyant am+
ryuaelyon anregyon. ac y medwant o am+
ryuaelyon wirodeu. a chymryt yn vỽy noc
ereiỻ a|wnant eu gormodyon. am y rei
hynny y dywedir. Yr arglỽyd a dyry eu kic
y|r pryfet ac y|r tan ny diffyd vyth. discipulus Beth
am y dynyon ffol. Magister Y·gyt a|r dynyon byche+
in y kyfrifir ỽynt. kanny wdont wneuthur
gỽeỻ. ac am hynny y dieithrir ỽynt. discipulus Beth
am lauurwyr y daear. Magister Rann uaỽr o·nad+
unt a iacheir. kanys buchedockau a|wnant
yn vul a phorthi pobyl duỽ oc eu chwys
megys y dywedir. Gỽynn y vyt a vỽytao o
| « p 84 | p 86 » |