LlGC Llsgr. Peniarth 33 – tudalen 156
Llyfr Blegywryd
156
gu ẏ|gẏntaf. a|dẏuot ẏr eil. neu
trẏdẏd. ẏ|gẏfniuer* gỽẏs a|ttermẏ*
ẏ gẏnifer camlỽrỽ a|tal ẏ|r brenhin
Ac eissoes nẏ|dẏgỽẏd o|e dadẏl na+
mẏn os kẏureith a|e barn idaỽ gor*+
thebet. Nẏ chẏll neb ẏ tir er ẏ|dẏ+
gwẏdaỽ ẏ|gwallageir. hẏnnẏ dẏ+
gỽẏdo teir gỽeth*. Ẏ|neb a|talho kẏ+
nasset o|tir nẏ thal hỽnnỽ ebed ̷+
iỽ pan vo marỽ O r bẏd tir rỽg
gỽelẏgord heb ranu kẏn bỽẏnt
marỽ oll eithẏr vn. ẏr vn hỽnnỽ
a|geiff ẏ tir kẏffredẏn oll; Ac on ̷+
nẏ dichaỽn ef wneuthur cỽbẏl
wassaeth* dros y|tir hỽnnỽ. tri+
gẏet ẏ|tir ẏ|r brenhin hẏnnẏ a ̷+
llo hỽnnỽ ẏ|wassanethu* O r ̷
gouẏn dẏn tir o ach ac etrẏt;
ny dylẏir ẏ|warandaỽ hẏnnẏ tẏ+
gho o henurẏeit gỽlat ẏ|hanvot
o|r wẏlẏgord* a|gẏnhalẏo ẏ|tẏr.
Pỽẏ|bẏnnac a|gẏnhalẏo tir an ̷+
dẏlẏet ẏdaỽ ẏn vn gẏmhỽt. neu
ẏn vn gantref a|r rei a|e dẏlẏo.
| « p 155 | p 157 » |