LlGC Llsgr. Peniarth 35 – tudalen 107r
Llyfr Iorwerth
107r
heb y ganyat. Talet pedeir am agori
dayar. Ar annel ac a| uo yndi yr neb bi+
eiffo y tir a chamlỽrỽ yr brenhin. ~ ~ ~
Vn werth yỽ iỽrch a bỽch. A irchell* a
gauar. ac elein a myn. gwerth crỽyn.
Croen ych. deudec. keinaỽc. kyfreith. Croen hyd
deudec. keinaỽc. Croen buỽch. seith. keinaỽc.
Croen ewic seith. keinaỽc. Croen gafyr
keinaỽc. kyfreith. Croen dauat. keinaỽc. kyfreith. Croen llỽ+
ynaỽc vyth. keinaỽc. Croen dyuyrgi vyth
keinaỽc. kyfreith. Croen beleu. pedeir ar| ugeint.
Croen llostlydan. chweugeint a| tal.
Tri hely ryd yssyd. Heit wenyn ar
wrysgen. a| llỽynaỽc. a dyuyrgi. sef
achos y maent ryd. vrth eu bot ar
kerdet yn wastat ac nat oes atlam
udunt. gwerth derwen.
Gwerth derwen. chweugeint. o
tyf yn dỽy keing. Tri ugeint
am pob un o·nadunt o bydant kyn
urasset a chyny bỽynt o bydant o un
tu. Gwerth traỽsgeing a| tyuo
o kalon y pren. dec ar ugeint. Ac
namyn hynny bric yỽ ac nyt oes
werth keinaỽc. arnaỽ Eithyr camlỽrỽ
yr brenhin amdanaỽ. Am tyllu der+
| « p 106v | p 107v » |