LlGC Llsgr. Peniarth 45 – tudalen 111
Brut y Brenhinoedd
111
rodi y wyr o wlat arall. Eissoes yd oed lawer
o·nadunt oed well gantunt eu marỽ yn|y gỽ+
lat e|hun no mynet y wlat arall gan adaỽ
eu ryeni ar wlat y magydoed yndi Ereill
a|dewissei cadỽ eu diweirdab a|e gwyrdaỽt yn
duỽ gan odedef* ychenoctit ym blaen mynet y
wlat arall y kymryt esmỽythder a|chwenych
knaỽt. A phan yttoed y llyghes yn paraỽt do+
di a|wnaethpỽyt hynny o wraged yndunt a
hỽylaỽ ar hyt temys ac ual yd oedynt gwedy
yr dyuot yn agos y traeth llydaỽ. Nachaf
gwynt kethraỽl gỽrthỽyneb udunt. Ac yn
enhyt uechan eu gwasgaru a bodi y ran uỽ+
yhaf o·nadunt. Ac ereill a|uyryỽt y ynyssed
anghyfyeith ym plith estronyon genedloed. Ac
ereill o·nadunt a|gyuaruu a|llyghes a anuo+
nassei Gracian amheraỽdyr ruuein. hyt yn ger+
mania y ryuelu ar aruordir yn erbyn y neb
a wedassei y uaxen. Sef gwyr oed tywys+
sogyon arnadunt. Gwinwas a melwas. A
gwinwas oed urenhin ar y wlat a|elwit huna+
ỽt. A melwas oed urenin. peitaỽ. Ac gỽedy
kyuaruot o|r morynyon ar ysgym +
un pobyl honno a gwelet eu teket
keissaỽ a|wnaethant llenwi eu godin eb
vrthunt. Ac gỽedy na mynnỽys y morynyon
| « p 110 | p 112 » |