LlGC Llsgr. Peniarth 46 – tudalen 224
Brut y Brenhinoedd
224
ynteu. a thebygach gantaỽ allu gor+
uot arnadunt. a gỽedy kynnullaỽ y llu
mỽyhaf a gauas. kychỽyn a|oruc parth
a|r gogled yn ol y saesson. a thra yttoed yn
kerdet y|gỽladoed y|gỽelei guedy yr los+
ci. ac yn diffeith o|e chyỽdaỽtỽyr. a dolur+
yaỽ yn uaỽr a oruc ef. achos hynny
ac yn uỽyhaf oll achos yr eglỽysseu
gỽedy eu distryỽ hyt y|dayar. ac adaỽ
a|ỽnaeth ynteu eu gỽneuthur o|neỽyd
os duỽ a rodei idaỽ ef y uudugolyaeth
ac yna pann gigleu hengist hynny ga+
lỽ y leỽder attaỽ ac annoc y|getymde ̷+
ithon y seuyll yn ỽraỽl yn erbyn emre+
ys. a dyỽedut nat oed gantaỽ namyn
ychydic o uarchogyon o lydaỽ. ac nat
oed uỽy y|rif no deg mil. ac na dodei
uessur ar ỽyr. ynys. prydein. canys yn uynych y
gorchyuygassei ỽy. ac yn uỽy y|niuer
ef heuyt no llu emreis. Canys deu can
mil o ỽyr aruaỽc oed gantaỽ. a gỽedy
| « p 223 | p 225 » |