LlGC Llsgr. Peniarth 46 – tudalen 351
Brut y Brenhinoedd
351
a|doethant y|r llys namyn osỽi aelỽyn e|hun.
ac yna y|doeth peanda at catỽallawn. y|ouyn idaỽ
paham na doethoed y|r llys a|phaỽb o|r tyỽys+
sogyon ereill ỽedy yr dyuot yno. namyn
ef ef* e|hun. ac yna y|dyỽat catỽallawn yỽ o|m
tebic. i. nac yrof a|duỽ arglỽyd hep y|pean+
da. namyn anuon a|oruc ef hyt yn germania
y|ỽahaỽd saesson attaỽ y geissaỽ dial osỽallt
y|uraỽt arnam ni. a|dyỽedut a|oruc ef he+
uyt y|uot yn torri tagneued. ynys. prydein. yn dehol
y|deu nyeint. aluryc. ac odỽlat. ac erchi a|or+
uc peanda canyat y catỽallawn. y las osỽi. neu
y|dehol o teyrnas. ynys. prydein. a|gỽedy galỽ o catỽallawn
y|gyghorỽyr attaỽ am hynny. maredud
urenhin. dyuet. a rodes y kyghor hỽnn ym bla+
en paỽb. arglỽyd urenhin. hep ef. canys kene+
dyl saesson oll a derpereist|i oll eu dehol ynn
llỽyr o|r ynys honn. paham y|trosseist|i dy
uedỽl y ar hynny. a dyro gannyat y|pean+
da y|ryuelu megys y|bo teruysc yrỽg y|sa+
esson e|hunein. cany dylyir cadỽ ffyd ỽrth
y|neb ny|s catỽho. ac at·uyd y|llad pob rei
onadunt y gilyd. ac uelly y|dileir yr ynys
| « p 350 | p 352 » |