LlGC Llsgr. Peniarth 46 – tudalen 40
Brut y Brenhinoedd
40
getymdeithon oll. namyn teir morỽyn
anryued eu tegỽch a|gauas yn|y llogev.
a|r bennaf oed verch vrenhin germania
ac a|dugassei y humyr gantaỽ pann uu
yn anreithaỽ y ỽlat honno. Sef oed enỽ
y vorỽyn essyllt. ac nyt oed haỽd cael
dyn kynn|tecket a hi yn yr holl vyt. a
diruaỽr serch a|dodes locrinus arnei a myn+
nu y phriodi. a gỽedy clybot hynny o cor+
ineus. llidyaỽ a|oruc yn vaỽr. kanys kynn
o hynny yd adaỽssei locrinus kymryt y
verch ef yn ỽreic ỽely idaỽ. a|dyuot a or+
uc corineus at locrinus dan treiglaỽ bỽy ̷+
all deuuinyaỽc gann dyỽedut yn|y m
mod hỽnn. ae velle locrinus y|tely di ymi
y|saỽl vrath a|gymereis i dros dy dat ti
ytra|uum yn kynydu kyuoeth idaỽ. ky+
mryt alltudes hediỽ yn ỽreic yt. ny
ỽdost pa|le pann henyỽ. a|gỽrthot vy mer+
ch ynhev. Ednebyd hagen nat prytuer+
th yt hynny tra vo nerth yn|y deheu honn.
| « p 39 | p 41 » |