Llsgr. Amwythig 11 – tudalen 83
Ysbryd Gwidw, Efengyl Ieuan
83
prẏt* ẏ|r lle hẏnnẏ ac nẏ clẏbuỽẏt
dim o·hanaỽ Ac ỽrth hẏnnẏ ẏ cre+
dassant ẏ kẏmrẏt ẏ ternas nef
ẏr honn ẏ|n dẏcco ni Ẏ gỽr a|n
prẏnỽẏs o|ẏ ỽaet Amen
*llyma euegyl jeuan
Y n|ẏ dechreu ẏd oed geir a|r geir oed
gẏt a duỽ a duỽ oed ẏ geir a hỽnnỽ
oed ẏn|y dechreu ẏ·gẏt a duỽ Pob peth
a ỽnaethpỽẏt trỽydo ef A hebdo ef nẏ
ỽnaethpỽẏt dim Ẏ peth a ỽnaethpỽẏt
ẏndo ef bẏỽẏt oed A|r bẏỽẏt oed oleuat
ẏ|r dẏnẏon a|r goleuat a luuera ẏn|ẏ tẏ+
wẏllỽch A|r tẏwẏllỽch nẏ|s ẏmgẏffret+
assant hi Ef a anuonet gỽr ẏ gan duỽ
ẏr hỽn oed ẏ enỽ Jeuan A hỽnnỽ a|do+
eth ẏmma ẏr tẏstolaethu r goleuat
nẏt oed oleuat ef agen namẏn ẏr ro+
di tẏstolaeth o|r goleuni val ẏ cretto
The text Efengyl Ieuan starts on line 7.
| « p 82 | digital image | p 84 » |