Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 26r

Brut y Brenhinoedd

26r

101

elwir lloegyr o|e enỽ ef. ac y kym+
erth kamber o|r tu araỻ y hafren
yr honn a elwir o|e enỽ ef kymry.
ac y kymerth albanactus y gogled.
yr honn a|elwir o|e enỽ ynteu yr
alban. A gỽedy eu bot ueỻy yn
dagnefedus drỽy hir o amser
y doeth humuir vrenhin duna+
ỽt a ỻyghes ganthaỽ hyt yr al+
ban. a|gỽedy ymlad ac albanactus
y lad. a|chymeỻ y bobyl ar fo
hyt att locrinus. A gỽedy gỽy+
bot y gyfrangk honno o locrinus.
kymryt kamber y vraỽt a|oruc
ygyt ac ef a chynnuỻaỽ eu ỻu
a|mynet. a mynet yn erbyn hu+
mur vrenhin dunaỽt. a mynet
hyt yg|glann yr auon a|elwir
humyr. ac ymlad ac ef a|e gym+
eỻ ar fo. ac yn|y fo hỽnnỽ y bod+
es ar yr auon. ac yd edewis y|enỽ
ar yr auon yr hynny hyt hediỽ.
A  Gỽedy caffel o locrinus y
uudugolyaeth honno ran+
nu yr yspeil a|wnaeth rỽg y ge+
dymdeithon heb adaỽ idaỽ e|hun
dim. dy·eithyr teir morỽyn en+
ryued eu pryt ac eu tegỽch a
gafas yn|y ỻogeu. A|r hynaf
onadunt oed verch y vrenhin
germania. ac a dugassei humur
ganthaỽ pan vuassei yno yn
anreithyaỽ y wlat honno. sef
oed enỽ y vorỽyn honno essyỻt.
ac nyt oed haỽd kaffel|dyn kyn

102

decket a hi. yn yr hoỻ vyt. Gỽen+
nach oed no|r echtywynnedic as+
gỽrn moruil. ac no dim o|r a|eỻit
diaerhebu amdanaỽ. a diruaỽr
serch a charyat a|dodes locrinus
arnei. a mynnu y chymryt yn
wreic wely idaỽ. a gỽedy clybot
hynny o gorineus ỻuydyaỽ a|o+
ruc. kanys kynno hynny y gỽ+
nathoed locrinus amot y gym+
ryt y verch ef yn briaỽt. a|dy+
uot a|wnaeth corineus att locri+
nus dan dreiglaỽ bỽyaỻ deu+
wynebaỽc yn|y laỽ deheu. dan
dywedut y ryỽ ymadraỽd hỽnn.
ae veỻy locrinus y tely di ymi
y saỽl brath a gỽeli a gymereis
dros dy dat ti tra vum yn kyn+
nydu idaỽ. kymryt aỻtudes
hediỽ yn wreic itt ny wdost o
pa le pan hanyỽ a gỽrthot vy
merch inneu. Adnebyd di nat
prytuerth ytt hynny tra vo
nerth yn|y vreich deheu honn.
yr honn a|ladaỽd y saỽl gewri
ar draetheu ynys prydein. ac
ueỻy y ogyfadaỽ yn vynych
dan dreiglaỽ y vỽyaỻ. ac yd
aeth eu kedymdeithyon y eu
tagnefedu. a chymeỻ ar locrinus
kymryt merch gorineus yn
wreic idaỽ. ac y kysgaỽd locri+
nus gan wendoleu verch cori+
neus. ac yr hynny ny leihaaỽd
karyat essyỻt ganthaỽ. namyn