Llsgr. Philadelphia 8680 – tudalen 46r
Brut y Brenhinoedd
46r
101
a|r|brytanyeit oc eu|hoỻ dihe+
wyt yn|damunaỽ milỽryaeth.
ac ny didorynt pa|damwein y
dygỽydynt yndaỽ hyt tra gyn+
helynt eu clot ym milwryae+
th megys y|dechreuyssynt.
A|r ruueinwyr kymhenna+
ch y gỽneynt ỽy. Kanys
petrius megys tywyssaỽc da
a|e|dysgei ỽynt yn|doeth. gỽ+
ers y gyrchu. gỽers araỻ y
ffo. megys y gỽelei yn|dygry+
noi udunt. ac ueỻy y gỽne+
ynt goỻedeu maỽr y|r bryta+
nyeit. A phan welas boso
o ryt ychen hynny. galỽ a|o+
ruc attaỽ lawer o|r brytany+
eit gleỽhaf a|wydyat ar neiỻ
tu. a dyỽedut ỽrthunt ual hynn.
Dioer heb ef kanys heb wy+
bot y an|brenhin y dechreua+
ssam ni yr ymlad hỽnn. reit
oed y ninneu ymoglyt rac
yn dygỽydaỽ yn yr rann wa+
ethaf o|r ymlad. Ac os ueỻy
y|dygỽydỽn. coỻet maỽr oc
102
an marchogyon a|goỻỽn.
ac ygyt a|hynny an|bren+
hin a|dygỽn ar gyffro ac
irỻoned ỽrthym. Ac ỽrth
hynny gelỽch aỽch gleỽder
attaỽch a|chanlynỽch uin+
neu drỽy uydinoed y rure*+
inwyr. ac o|r kanhorthỽya
an tyghetuenneu ni. ae o
lad petrius ae o|e dala ni a
oruydỽn. Ac ar|hynny dan+
gos yr ysparduneu y|r meirch
a|orugant. a thrỽy uydino+
ed y marchogyon o ebrỽyd
ruthur mynet drostunt
hyt y ỻe yd oed betrius yn
dyscu y gedymdeithon.
Ac yn gyflym boso a|gyrcha+
ỽd petrius. ac a ymauaela+
ỽd yndaỽ herỽyd y uynỽ+
gyl. ac megys y racdywe+
dassei dygỽydaỽ y·gyt ac ef
y|r ỻaỽr. Ac ỽrth hynny ym+
gynnuỻaỽ a|wneynt y ruue+
inwyr y geissaỽ y eỻỽng y
gan y elynyon. Ac o|r|parth
| « p 45v | p 46v » |