Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 264v

Diarhebion

264v

1059

arwaessaf y diffyd diffeith. 
asgre lan diogel y pherchen. 
alwyssen tam o garỽ. 
a elwyt a gymeỻ. 
a|dyuo can car. ef a|dyuyd can nos. 
a|gỽyn rỽy. ny ry|gỽynuan. 
anreith gyf·vludwyt. taeaỽc yn ty y gilyd. 
ar ny ochelo y mỽc. ny ochel y drỽc. 
ar ny|dyuo pỽyỻ. pydiỽ. 
a wahanaỽd knaỽt. gỽahanaỽd dolur. 
astrus pob anaf. 
a lygrỽys duỽ. a|lygrỽys dyn.  [ ith.
a|dyuo y|dorth a|e deheith. ef a|duyud a|wnel. y we+
aeduet agheu hen. 
a|gỽyn kỽyn bychan. kỽyn maỽr a|darogan.
arwyd drỽc mỽc yn|diffeith. 
a dycko y got ymborthet ohonei. 
B as pan wahaner hynny. 
assaf* dỽfyr yn|yt lefeir. 
Bo amlaf vo|r|bleideu. gỽaethaf vyd y|r|deueit.
Bo hynaf uo|r dyn. gỽaethaf vyd y bỽyỻ. 
Bo hynaf vo yr ryc. tebyckaf vyd y|dat. 
Bỽrỽ a|th vn ỻaỽ. keis a|th dỽylaỽ. 
Bei a|baỽt y gỽeit gwe. 
Bo tynnaf vo y ỻinin. kyntaf y tyrr. 
Balchder heb droet. 
Bỽrỽ gỽdyf yn ol yr|hwyeit. 
Bychan yỽ mam y gynuyl. 
Bei yỽ ar varch torri y droet. 
Bit reuyat yg|kyuarth. 
Bit wyỽ gỽr. heb drycwryaeth. 
Bit wreic drỽc a|e mynych warth. 
Bit euein aỻtut. 
Bit wastat gỽreic yn erchi. 
Bit haha bydar. 
Bit anwadal ehut. 
Bit anyan detwyd. 
Bit warancleu gleỽ ỽrth aỽr. 
Bit vyd kỽyn claf. 
Bit lawen iach. 
Bit  

1060

Byrr dyd ny deruyd kynghor  
Bei kaffer baỽp a vynnei. ny|bydei hiraethaỽc.
Bendith yr hỽch bieu y blonec. 
Byrr·hoedlaỽc digassaỽc seint. 
Bit gyua rann ry·buchir. 
Bỽystlaỽn gynneu caỻaỽr. 
Bit lawen medỽ. 
Balchder o|beỻ. 
Bit trist pob galarus. 
Bit vyỽ march a gnith weỻt mei. 
Boloch ofynaỽc vyd daỽ. 
Baraf nyt ard ny chward y chlas. 
Bychoded mynyaled. 
Breudwyt gỽrach ỽrth y hewyỻys. 
Bore brỽynaỽc. bradaỽc ieir. 
Byrr dryc·anyan a|wna hir oual. 
C anhymdeith ki y losgỽrn. 
allon* ny gynnyd kysgit. 
Chwannaỽc mab o|e hynt. 
Coes yn ỻe mordwyt. 
Clywit corn kynn y weler. 
Cosp ar benn iar.  [ naỽc.
Chwaryit mab noeth. ny chỽare mab newy+
Crechwen yng|geneu yn·uyt. 
Callon y seis ỽrth y kymro. 
Cas y ỽr wirioned yn ỻe ny|charer. 
Cadarnach yỽ|r edeu yn gyfroded noc yn|vngor.
Chỽec med. chwerỽ pan daler. 
Coel gỽas diaỽc. 
Chwerthit dỽfyr dan ia.  [ dyn.
Chwaryus yn aỽr. nyt chỽarywys ym|blỽy+
Caeu tin wedy brammv. 
Cant car a uyd y dyn a chant esgar. 
Creuyd iar ỽrth y gyluin. 
Chwannaỽc vyd trỽch y drugared. 
Cryt ar hen angheu ys|tir. 
Chweryrys gỽaỽt o annyanaỽt. 
Coỻes dylad kystal y|r vyỽch  
Canu heb gywyd. 
Craffach no|r euel. 
Cogỽr ieir yn|ydlan.