Rhydychen, Llsgr. Coleg yr Iesu 111 (Llyfr Coch Hergest) – tudalen 266r
Diarhebion
266r
1065
Gỽeỻ gorne golchi. noc un glythni.
Gỽeỻ gan wreic a|uo da genthi. noc a|uo da idi.
Gỽeỻ vn crywyn. no deu udelỽ.
Gỽeỻ kynnil no chywreint.
Gỽeỻ duỽ yn|gar no ỻu|dayar.
Gỽeỻ tolyaỽ no heiryaỽ.
Gỽeỻ hanner hat no hanner|ha.
Gỽeỻ pỽyỻ noc eur.
Gỽeỻ buarth hesp. noc vn gỽac.
Gỽeỻ marchỽr gỽerthu. noc vn prynu.
Gỽeỻ trỽch. noc arwynnyat. [ vydỽr.
Gỽeỻ y|wreic y pyscodỽr; noc y|wreic y gỽyn+
Gỽeỻ idaỽ a|donnyer. noc a uonheder.
Gỽeỻ caffel notwyd. no|choỻi y kỽỻdỽr.
Gỽeỻ penloyn yn|ỻaỽ no|r hỽyat yn|yr awyr.
Gỽeỻ marỽ. no mynych difraỽt.
Gỽeỻ gỽae vi. no gỽae ni.
Gỽeỻ y|tynn cont. no raff.
Gỽeỻ y|ỻe y ffoes wilmot. no|r ỻe y|ỻas.
Gỽeỻ prenn kuhudyat no dyn kuhudgar.
Gỽeỻ eisted ar|y|gỽeỻt noc ar y|ỻawr.
Gỽeỻ nac no deu edewit.
Gỽeỻ bychot yg|kot no chot wac.
Gỽeỻ y|wialen a|blycko no|r honn a dorro.
Gỽeỻ ychydic gan rat. no ỻaỽer gan afrat
Gỽeỻ vn keitwat. no deu ymlynnyat.
Gỽeỻ crefft no golut.
Gỽeỻ duhud no rosedha.
Gỽeỻ gỽichaỽ y kolud. no chochi y|deurud.
Gỽeỻ can|mu yr can nyn. noc vn vyỽch yr|un|dyn.
Gỽeỻ dỽylaỽ y kigyd. no|dỽylaỽ y sebonyd.
Gỽeỻweỻ hyt uaryf; waethwaeth hyt uarỽ.
Gnaỽt y keir coỻet o vraỽ. [ ỽc.
Gỽaryit mab noeth. ny chware mab newynna+
Godroit pob buch o|e phenn.
Gỽae a|dycko y|hen was y|lys.
Goreu kynghaỽs. gỽas diaỽc.
Goreu cloff. cloff aradyr.
Gỽae vndyn a|wnel cant yn|drist.
Gỽynt a|ly da gỽreic wedỽ.
Gnaỽt kyssul detwyd gan doeth.
1066
Gwae vyrrỽr yg|kynnhaeaf.
Gỽedỽ pỽyỻ heb anmyned.
Genit ym wys yn|ty duỽ.
Gỽae a|wnel da y|ediaỽc.
Gwan dy baỽl yn hafren. hafren vyd|hi val kynt.
Glew a uyd ỻew hyt yn ỻỽyt.
Gnaỽt tawel yn deleit.
Geir gỽr o gasteỻ.
Gnaỽt o benn dryth·yỻ draha.
Gỽaethwaeth ual mab gafuyr.
Gỽiryon paỽb ar y eir e|hun.
Gyrr vab a thi nac.
Gadu gỽreic ac un veuyl a|e chymryt a|dỽy.
Golỽc serchaỽc. syberỽ vyd.
Gỽaỻt bonnwynn. a gỽynn estronyon.
Gỽac ty heb vab.
Gỽascu yr heit kyn|no|e|cherdet.
Gnaỽt buan o vras.
Gnaỽt corffaỽc o vein.
Goreu newyn vn aryant.
Gỽarthec araỻ yn|adneu. pan|chwechaf ny|byd teu.
Gelyn yỽ y da y dyn y|da.
Gỽerthuaỽr pob odidaỽc.
Goruc y weith a uach y uachteith.
Gỽaethaf ry·uel. ry·uel teispan.
Goreu gỽare tra atter.
Gỽeith ysgaỽn ymoglyt.
Gỽylỽys ny didoler.
Gnaỽt ffo ar ffraeth.
Gỽaethwaeth y ret y kỽn.
Goual dyn. duỽ a|e gỽeryt.
Gỽyl yỽ hanes.
Gỽae ỽr a|gaffo drycwreic.
Gnaỽt o egin ueithrin das.
Goreu enỽ un bieu.
Gỽaethwaeth chwedyl wilmot.
Gỽas da bronnwala y|arglỽyd.
Gỽneuthur deudrỽc o|r vn.
Gnaỽt aflỽyd gan diryeit.
Geir gỽreic mal gỽynt y|kychwyn.
Gỽrach a uyd marỽ ettwa yn riỽ uabon.
| « p 265v | p 266v » |