Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 27r

Brut y Brenhinoedd

27r

105

oed yn hely diwarnaỽt yn yr
ugeinuet vlỽydyn o|e arglỽydia+
eth y ỽrth y gedymdeithyon y
myỽn glynn coedaỽc. y doeth+
ant am y benn ỻuossogrỽyd o
vleideu kandeiryaỽc. ac y ỻad+
A  Gỽedy marỽ [ yssant ef.
membyr yd urdỽyt efra+
ỽc y vab. yn vrenhin. y|gỽr kyn+
taf wedy brutus a|aeth y ffre+
inc a ỻyghes ganthaỽ. a gỽe+
dy ỻawer o ymladeu a llad y
bobyl. dyuot adref ac amyl+
der golut a budugolyaeth
ganthaỽ a wnaeth. A gỽedy
hynny yd adeilyaỽd dinas y
parth draỽ y hymbyr. ac y ge+
lwis o|e enỽ ef kaer efraỽc.
ac yn yr amser hỽnnỽ yd oed
dauyd broffỽyt yn vrenhin
yg|kaerussalem. a siluius la+
tinus yn yr eidal. a gat. a na+
ten. ac asaf yn broffỽydi yn
yr israel. Ac odyna yd aeth ef+
raỽc ac yd adeilyaỽd caer al+
clut gyferbyn ac yscotlont.
a chasteỻ mynyd yr hỽnn
a|elwir yr aỽr honn casteỻ
y morynyon ar vynyd dolu+
rus. A gỽedy hynny y ga+
net idaỽ ugein meib o uge+
in wraged a|oed idaỽ. a deg
merchet ar|hugeint. a deu+
gein mlyned y bu yn gỽle+
dychu. Sef oed enỽeu y mei+

106

byon. Brutus daryan las oed
y mab hynaf idaỽ. Maredud.
Seissyỻ. Rys; Morud. Bleiddut.
Jago. Bodlan. Kyngar. Yspla+
deu. Gwaỽl. Dardan. eidal. Juor.
Ector. Kyngu. Gereint. Run.
asser. Howel. A sef oed enỽeu y
verchet. Gloeỽgeing. Jgnogen.
Eudaỽs. Gỽenỻian. Gỽaỽrdyd.
agharat. gỽendoleu. Tagwys+
tyl. Gorgon. Medlan. Methael.
Eurar. Maelvre. Camedra.
Ragaỽ. ecuba. Nestgein Sta+
dud. Ebren. Blangan. Auaỻ+
ach. angaes. Galaes. Teccaf
morỽyn oed honno yn un ynys
a hi. Gweiruyl. Perwer. Eur+
drych. Edra. anor. Staydalt
Egron A|r rei hynny a anuo+
nes efraỽc att siluius y gar
o|oed yn vrenhin yn|yr eidal ac
y rodes yno y wyr bonhedic
dylyedogyon. a|r meibyon a
aethant y germania. ac as+
ser yn dywyssaỽc arnadunt.
a phorth y gan siluius gan+
thunt. ac y goresgynnassant
a hi a|e phobyl. A brutus da+
ryan las e|hun a|drigyaỽd
yn yr ynys honn ỽrth lywyaỽ
y gyuoeth gỽedy y|dat. a deg
mlyned y gỽledychaỽd ynteu.
Ac yn ol brutus y doeth ỻeon
y vab ynteu. gỽr a garaỽd
hedỽch vu hỽnnỽ. A gỽedy