Rhydychen, Llsgr. Coleg yr Iesu 111 (Llyfr Coch Hergest) – tudalen 269r
Diarhebion
269r
1077
Nyt gỽaeth ymlad dic. no gleỽ.
Ny|char gỽeith ny|s gordyfyno.
Na|dos a gỽr ỽrth y ueint.
Nyt bỽyt ryued y diryeit.
Nyt ymgar y|ỻaetheion.
Nyt tref tat anryded arglỽyd.
Nyt a sỽỻt adan diebryt.
Nyt gỽeỻ got no ỻeidyr.
Ny|thelir gỽeli tauaỽt namyn y arglỽyd.
Nyt eing ym|bro ny bo ỽrth wir.
Ny eỻir kỽbyl o angkỽbyl.
Ny thelir saeth y ebaỽl.
Ny chymer ỻiweit ar ffo.
Nyt oes wat dros waessaf.
Nyt newit heb vach.
Ny chyngheing gỽarthal gan dewis.
Ny chymyd dedwyd datleu.
Nyt tan heb eiryas.
Ny cheiff parch ar ny|s|dylyho.
Nyt a|baỽt y|d·ydyfnir ỻath hir
Ny|cheiff dewis y gam a ffoho.
Ny|phara kywyd. namyn vn vlỽydyn.
Ny vaỽrhaa neges nyt ragỽy y ỻes.
Ny|wyr yn ỻỽyr namyn ỻyuyr
Nos·wyl iar gỽae a|garo.
Ny|chyỻ iar y hir·nos.
Na|diaỽt dy uoch. na at yn rỽy.
Nyt yn vndyd y gỽnaethpỽyt ruuein. [ idyeu.
Nyt erchis yr|hen|gyrys o·nyt a uei rỽng y new+
Nyt ergyt ny gywirer.
Ny|diffyc escus ar wreic.
Nyt annudon ymchoelut ar|y da.
Nyt haỽd gỽlana ar|yr afyr.
Ny|thac namyn ỽy.
Ny|cheiff pỽyỻ ny|s|pryno.
Ny thorres arthur naỽd gỽreic.
Ny chymmerei gogyl am y gar.
Ny|chynghein gan gennat gewilyd.
Nyt wyr dyn nyt el o|e ty.
Naỽf mein hyt y gỽaelaỽt.
Ny|bydaf na thoryn dỽyn. na chapan glaỽ.
1078
Ny|wyr pryder ny|s prydero. ac ny|s pryno.
Ny|byd aỻt heb waeret.
Na beleu y uel. na gỽrach y selsic.
Nyt drỽc dim a|wneler ỽrth gynghor.
Nyt gỽr namyn gỽrthmun.
Ny|eiỻ barnu ny|warandaỽho.
Ny wyr dyn dolur y|ỻaỻ.
Ny|deruyd kynghor.
Ny|at y mor marỽdlỽs yndaỽ.
Ny|cheiff da. nyt el yn damỽein.
Ny|thyf egin ym marchnat.
Ny|thaỽd tynnu mer o|bost. [ vy hun.
Ny|thynnaf draen o|droet araỻ. a|e|dodi y|m|troet
Nyt o|e|gorff yd ymry y gỽydỽedyn.
Nyt gwaratwyd gỽeỻau.
Ny moch|wna da dyn segur.
Ny eiỻ neb namyn y aỻu.
Nyt ef a|ỽyrth dyn y|debic.
Ny|chel ynvyt y uedỽl.
Nyt gỽaeth y geilwat agraff no rent.
Nyt ar vnweith y kahat herbin.
Nyt asgyr a gaffo trefgord.
Ny byd at·claf o glafvỽr.
Nyt haỽd ỻettratta ar leidyr.
Ny wna y ỻygoden y nyth yn|ỻosgỽrn y|gath.
Ny erchyỻ eneit ny diwycco blys.
Ny|elwir yn euaỽc o·ny|s geiryd.
Nyt maỽr a|th geryd os rỽy a|erchyd.
Nyt ỽrth bryt gerit gỽraged.
Ny naỽd kaledi rac bychoded.
Ny cheffir hoedyl hir yr amgeled.
Nyt ef a|diỽc dyn y dryc·enmyned.
Nyt ysgar ynghenaỽc ac anhychvryt.
Ny chwennych morwyn mynach bagylaỽc.
Ny|thal dim dryc·ymreat.
Nyt atwna duỽ ar a|wnel.
Na diuanỽ dy beriglaỽr.
Na|vyd orestedgar yn ystaueỻ.
Nyt ef a|geiff paỽb a vynn.
Ny chein sywedyd yn vn vronn.
Ny byd hunaỽc serchaỽc vyth.
| « p 268v | p 269v » |