Llsgr. Philadelphia 8680 – tudalen 47v
Brut y Brenhinoedd
47v
107
A|r ruueinwyr kyrchu a|ỽ+
neynt heb geissaỽ na|ỻuna+
ethu eu gỽyr na|e bydinaỽ.
Namyn oc eu|hoỻ lauur
keissaỽ gỽneuthur aerua
o|r brytanyeit hyt tra yttoe+
dynt ỽynteu yn|bydinaỽ
eu gỽyr. ac yn eu hamdiff+
yn e|hunein. Ac ỽrth hyn+
ny gan eu gỽanhau yn or+
mod ỽynt yn|dybryt a|goỻ+
assynt eu karcharoryon
pei nad|anuonei eu tyg+
hetueneu udunt damunedic
canhorthwy ar vrys.
Canys gỽittart iarỻ pei+
taỽ gỽedy gỽybot y tỽyỻ
hwnnỽ ohonaỽ a|deuth
a their|mil gantaỽ. Ac o|r
diwed gan nerth duỽ a|r
canhorthỽy hỽnnỽ y bryta+
nyeit a|oruuant. ac a dal+
lyassant eu haerua y|r tỽ+
yỻwyr. Ac eissoes yn|y gy+
franc gyntaf y coỻassant
lawer. Kanys yna y coỻas+
108
sant yr arderchaỽc dywyssa+
ỽc boryel a cenoman yn|kyf+
aruot ac euander urenhin
siria. yn urathedic gan y
waew y|dygỽydwys. Yna
y koỻassant heuyt pedwar
gỽyr bonhedigyon. Nyt
amgen hirlas o pirỽn. a|meu+
ruc o gaer geint. ac alidỽc
o dindagol. A hir uab hyde+
ir. Nyt oed haỽd caffel gỽyr
leỽach no|r rei hynny. Ac yr
hynny ny choỻassant y bry+
tanyeit eu gleỽder. namyn
oc eu|ỻauur kadỽ eu|karcha+
roryon. Ac o|r|diwed ny aỻas+
sant y ruueinwyr godef eu
ruthur. Namyn yn gyflym
adaỽ y maes a ffo parth ac eu
pebyỻeu. a|r|brytanyeit yn
eu herlit. ac yn gwneuthur
aerua onadunt. ac ny phei+
dassant yn eu|dala. ac yn eu
ỻad hyt pan ladassant ultei.
a|chadeỻ senedỽr. ac euander
vrenhin siria. a gỽedy caffel
| « p 47r | p 48r » |