Llsgr. Philadelphia 8680 – tudalen 50r
Brut y Brenhinoedd
50r
117
kyrcheis i y|dinas hỽnn. na+
myn o debygu an|herlit ni
o·honunt. ac yn deissyfyt
kaffel ohonam aerua dirua+
ỽr y meint o·nadunt. A|cha+
nys yn amgen y gỽnaeth+
ant hỽy noc y tebygassỽn i.
Gỽnaỽn nynneu yn amgen
noc y tebygant ỽynteu.
Deissyuỽn ỽynt ac yn|leỽ
kyrchu ỽynt. a|chyt gorff+
ont. diodefỽn ni yn|da y ryth+
ur gyntaf y gantunt. ac
veỻy heb amheu ni a|oruyd+
ỽn. Kanys y neb a|safo yn|da
yn|y ruthur gyntaf. Myn+
ych yỽ y uynet gan uudugo+
lyaeth yn ỻawer o ymladeu.
A gỽedy daruot idaỽ teruy+
nu yr ymadraỽd hỽnnỽ. a
ỻaỽer o rei ereiỻ. Paỽb o un
dihewyt a|rodassant eu|dỽy+
laỽ gan dyghu nat ymedeỽ+
ynt ac ef. ac ar urys gỽis+
gaỽ ymdanunt eu|harueu.
ac adaỽ ỻegrys a|chyrchu
118
y dyffryn. ỻe yd|oed arthur
gỽedy ỻunyaethu y uydi+
noed. Ac yna gossot a|ỽ+
naethant ỽynteu drỽy deu+
dec bydin o uarchogyon
a|phedyt yn herỽyd ruue+
inaỽl deuaỽt. o chỽegỽyr
a thrugeint a|chỽechant
a chwe mil ympob bydin.
Ac ympob bydin ohonunt
ỻywaỽdyr. hyt pan|uei o
dysc hỽnnỽ y kyrchynt.
ac y kilyynt pan|uei|dyly+
edus udunt. ac y gỽrth+
ỽynebynt y eu gelynyon.
Ac y un o|r|bydinoed y rac+
dodes ỻes. kadeỻ senedỽr o
ruuein. ac aliphantina
brenhin yr yspaen. Ac y|r
eil Hirtacus brenhin parth.
a|meuruc senedỽr. ac y|r
dryded bocus brenhin nidif.
a gaius senedỽr. Y|r bedỽa+
red quintus. a|myrr sened+
ỽr. A|r pedeir hynny a|ro+
det yn|y blaen. ac yn ol y
| « p 49v | p 50v » |