LlGC Llsgr. Peniarth 19 – tudalen 3v
Ystoria Dared
3v
11
dat a|e mynnei. kanys ymdi+
ret a|wnaei ef caffel clot o|e de+
leitrỽyd gỽedy gorffei ar y a+
lon. a|dyuot yn iach adref a
budugolyaeth ganthaỽ. Ac ef
a|dywaỽt gỽedy y vynet y he+
ly y|r fforest a|elwit Jta. ry we+
let o·honaỽ ef drỽy y hun y
duỽ a elwit mercurius ac yn
dwyn attaỽ deu dwywes. Nyt
amgen no Juno dwywes y
tegỽch. a venus dỽywes y go+
dineb. a minerua dỽywes y
nerth. ac erchi idaỽ ef varnu
pa|vn deckaf o·nadunt ỽy. Ac
yna yd edewis venus dwyỽes
yr aniweirdeb idaỽ. o barnei
ef y phryt hi yn deckaf. peri
idaỽ ynteu y wreic deckaf a
vei yg|groec. a gỽedy clybot o+
honaỽ ynteu hynny ef a|e bar+
naỽd hi yn deckaf. ac o hynny
y gobeithaỽd kaffel o alexander
y|gan venus kanhorthỽy rac
ỻaỽ. ac yna Deiphebus a|dyỽ+
aỽt bot yn|da ganthaỽ ef gyg+
hor alexander. kanys gobeith+
aỽ yd oed ef kaffel eturyt eso+
niam a iaỽn am y kameu a|w+
nathoedit y wyr troea os ỻyg+
hes a|anuonit y roec ual yd
oedynt yn|y darparu. Elenus
ynteu a|dehogles rac ỻaỽ dis+
tryỽ o wyr groec gaer droea.
ac o elynaỽl laỽ y deỻit yno
12
eu brodyr ỽy ac eu rieni. Troilus
ynteu ỻeiaf mab y briaf oed
herwyd oet. ac nyt oed leiaf
herỽyd nerth. namyn rysswr
kadarn a anoges ymlad a gwyr
groec. megys ector. ac na dylyit
kymryt ofyn geireu elenus.
Ac ueỻy yd erchis y baỽp darpa+
ru ỻyghes a|e hanuon y roec.
Priaf ynteu a anuones alex+
ander a deiphebus y|r wlat a
elwit poenia y dewis marcho+
gyon. ac a erchis y|r bobyl dy+
uot ygyt y|r wys. ac ef a wnaeth
y|r meibyon ieuaf idaỽ vot ỽrth
gyghor y rei hynaf. Ac yna gỽe+
dy dyuot paỽb ygyt ac ef. a dan+
gos udunt eu kameu ac eu sar+
haedeu a|wnathoed gỽyr groec
y wyr troea. ac ỽrth hynny an+
uon o·honaỽ ef antenor yn gyn+
taf yn gennat y roec y erchi
eturyt idaỽ esoniam y chwaer
a gỽneuthur iaỽn y wyr troea.
a|gỽaradỽydaỽ o·honunt ỽynteu
antenor. ac na chawssei dim o|e
negesseu. ac o achaỽs hynny y
raghei y vod ef goỻỽg alexander
a ỻyghes ganthaỽ y dial o ge+
dernyt agheu gỽyr troea a|r
kameu a|wnathoedit udunt.
a phriaf a|erchis y antenor dyw+
edut megys y treythassit efo
yg|groec. ac antenor ynteu a
annoges gỽyr troea a|e|gedym+
| « p 3r | p 4r » |