LlGC Llsgr. Peniarth 4 (Llyfr Gwyn Rhydderch, rhan 2) – tudalen 31r
Peredur
31r
121
hanner ẏ|r bỽẏt a|r llẏn a|gẏmerth
peredur idaỽ e|hun. a|r llall a adaỽd
ẏ|ghẏfeir ẏ vorỽẏn. a gỽedẏ daruot
ẏdaỽ uỽẏta. kẏuodi a oruc a|dẏfot
ẏn|ẏd oed ẏ vorỽẏn. Vẏ mam heb
ef a|erchis imi kẏmrẏt tlỽs tec ẏ
lle ẏ|gỽelỽn. Kẏmer titheu eneit
heb hi nẏt miui a|e gỽarafun itti.
Y vodrỽẏ a|gẏmerth peredur. ac
estỽg ar pen ẏ lin a rodi cussan ẏ|r
vorỽẏn. a chẏmrẏt ẏ varch a chẏch ̷+
wẏnu ẏ ẏmdeith. Yn ol hẏnnẏ llẏ ̷+
ma ẏ marchaỽc biewoed ẏ pebẏll
ẏn dẏuot. Sef oed hỽnnỽ sẏberỽ
llanerch. ac ol ẏ|march a welei. Dẏ ̷+
wet heb ef ỽrth ẏ vorỽẏn pỽẏ a
rẏ|fu ẏma gỽedẏ mifi. Dẏn enrẏ ̷+
fed ẏ ansaỽd arglỽẏd heb hi; a me ̷+
negi a|oruc ansaỽd peredur a|e ger ̷+
det. Dẏwet heb ef a rẏ|fu ef gen ̷+
hẏt ti. na rẏ|fu mẏn vyg cret heb
hi. Mẏn vyg cret nẏ|th gredaf. ac
ẏnẏ ẏmgaffỽẏf inheu ac efo ẏ di ̷+
al vẏ llit a|m kewilẏd nẏ chehẏ
titheu uot dỽẏ nos ẏn vn lle a|e
gilẏd. a chẏuodi a|oruc ẏmlaen ẏ
marchaỽc ẏ ẏmgeissaỽ a|pheredur.
Ynteu peredur a gerdaỽd racdaỽ
parth a llẏs arthur. a chẏn ẏ dẏfot
ef ẏ lẏs arthur. ef a|doeth march ̷+
aỽc arall ẏ|r llẏs ac a|rodes modrỽẏ
eur vras ẏ dẏn ẏn ẏ porth ẏr dala
ẏ varch. ac ẏnteu a|doeth racdaỽ
ẏ|r neuad yn ẏd oed arthur a|e teu ̷+
lu a gỽenhỽẏfar a|e rianed. a gỽas
ẏstauell ẏn gỽassanaethu o orflỽch
122
ar wenhỽẏfar. a|r marchaỽc a gẏ ̷+
merth ẏ gorflỽch o laỽ wenhỽẏfar
ac a dineuis ẏ llẏn oed ẏndaỽ am
ẏ hỽẏneb a|e bronfoll. a rodi bon ̷+
clust maỽr ẏ wenhỽẏfar. Ossit heb
ef a uẏnho a mỽẏn ẏ gorflỽch hỽn
a mi. a dial ẏ sarhaet hon ẏ wen+
hỽẏfar; doet ẏ|m ol ẏ|r weirglaỽd
a mi a|e haroaf ẏno. a|e varch a gẏ ̷ ̷+
merth ẏ marchaỽc a|r weirglaỽd
a gẏrchỽẏs. Sef a|oruc paỽb ẏna
estỽg ẏ ỽẏneb rac adolỽẏn idaỽ
uẏnet ẏ dial sarhaet wenhỽẏfar.
ac ẏn tebic ganthunt na wnaei
neb kẏfrẏỽ gẏflauan a honno
namẏn o vot arnaỽ milỽrẏaeth
ac angerd neu hut a|lletrith mal
na allei neb ẏmdiala ac ef. ar
hẏnnẏ llẏma peredur ẏn dẏfot
ẏ|r neuad ẏ mẏỽn ar geffẏl brẏch+
welỽ ẏscẏrnic a|chẏweirdeb mus ̷+
crelleid aghẏweir adanaỽ. a|chei
oed ẏn sefẏll ẏm perued llaỽr ẏ
neuad. Dẏwet heb·ẏ peredur
ẏ gỽr hir racco. mae arthur. ̷
beth a uẏnnẏ ti heb·ẏ kei ac ar+
thur. Vẏ mam a erchis im dẏ+
uot ẏ|m vrdaỽ ẏn varchaỽc ur+
daỽl at arthur. Mẏn vẏg cret
heb·ẏ kei rẏ aghẏweir ẏ doethost
o varch ac arueu. ac ar hẏnnẏ
ẏ arganuot o|r teulu a dechreu
ẏ dẏfalu a bỽrỽ llẏscon idaỽ.
ac ẏn da ganthunt dẏuot y
kyfryỽ hỽnnỽ ẏ vẏnet ẏ chỽedẏl
arall dros gof. ac ar hẏnnẏ
| « p 30v | p 31v » |