Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 88v

Ystoria Carolo Magno: Rhamant Otfel

88v

121

a|haỽtclor ef a|ỽnnaeth ford
glyfulet* yn eu plith ac y|gallei
petỽar keirt gerdet gyuaryst+
lys ar y|hyt. Oger rymus yn+
tev a|rodes defnyd o|e voli. ef a
gymhellỽys y varch yn|y plith.
ac a|churtain ar hynt a|beris
pennev dec ar hugeint ohonunt
y ehedec y|ỽrth y kyrff. Ac yna
y|deuth carmel o tabari. sara  ̷ ̷+
cin oed yn llyỽaỽ. a|r rei ereill
oll yn gyỽeir o aruev diogel. ac
ar penopie y|varch. ac yn|y ieith
ef y|dyỽat yn vchel. peth a|ỽney
ti Mahumet emelltigedic heb
ef. beth a dyỽedỽn. i. ỽrth yr
y amheraỽdyr garsi. am vot
tri dyn yn goruot ar lu kyme+
int a|hỽnn. Mi a|tynaf eneit
vn o|r tri hagen yr aỽr honn.
a brathu y|varch ac yspardun+
ev dan ysgytỽeit y|ỽayỽ a|or+
uc. a|gỽan oger trỽy y|tary+
an. a|e holl aruev ac yntev yn
vrathedic y|r llaỽr. Ac yna yd
argannuu rolond gỽaet oger
yn freuaỽ allan ac yn colli  ̷ ̷
oll. ac y|treỽis y saracin ar y
helym ỽastat. ac ny bu o|lud
ar|y cledyf yny aeth drỽydi.
ac y|dyỽat ỽrthaỽ culuert
tỽyllỽr heb ef duỽ o nef a|th
ymellticco da a|ỽas a|du gost|i
y|getymeithas ragof. a|brath+
u march a|ỽnaeth ar hyt y  ̷ ̷
maes dan trychu yr anffyd  ̷ ̷+

122

lonnyon genedyl. Ac yna sara+
cin arall a|e hemellticco duỽ
ef. kar y alfani. ac a|roessei y
vorỽyn da honno idaỽ dlysseu
y|bore y|dyd hỽnnỽ. ac a a·daỽssei
yntev yntev* ỽrthi hi rodi dyr+
naỽt clotuorus y vn o|r cristo+
nogyon. a phei nat ystyryei
yr arglỽyd duỽ ohonunt ỽy.
ef a|ỽnaethoed oual tra mess+
ur vdunt. ef a|ỽant oliuer
o diheỽyt y|vryt. a|chadarnn
oed y aruev a|differassant yno
y eneit kynys brathei hagen ef
a vyrryỽyt y|r llaỽr. Y iarll yn  ̷+
tev a|gyuodes ynn amysgaỽn
ac a ysgynnỽys ar bennopie y
mar˄ch da a|uuassei eidaỽ carmel
o|tabari val y dyỽetpỽyt vchot.
ac a elỽis ar|y getymeith. ar+
glỽyd rolond heb ef na phry+
dera mỽy no chynt. mi a|rodeis
vy fyd it na phallỽn vyth it
tra vydỽn vyỽ. a mi a|e kyỽir+
af. bellach y|dechreuir trablud
ac ymladev y freinc. a|gỽyr
aghret. Ac yna y kyuodes
oger ar frỽst y|vynyd ac rac
meint yr ym·sag y|niuer yn|y
gylch ny allỽys ysgynnv ar
y varch. A sef a|ỽnnaeth yna
edrych ar hyt y|gledyf. a dech+
rev y voli. oia curtein heb ef
maỽr a|beth y|dylyỽn. i. dy ga+
ru di. yn llys charlys tidi a|be+
reist vy|gharu. i. a|m clotuori.