LlGC Llsgr. Peniarth 4 (Llyfr Gwyn Rhydderch, rhan 2) – tudalen 31v
Peredur
31v
123
llẏma ẏ corr ẏn dẏuot ẏ|mẏỽn.
a|r|doethoed oed blỽẏdẏn kẏn no
hẏnnẏ ẏ lẏs arthur ef a|e corres ̷
ẏ erchi trỽẏdet ẏ arthur. a hẏnnẏ
a gaỽssant gan arthur. namẏn
hẏnnẏ ẏg|gouot ẏ vlỽẏdẏn nẏ ̷ ̷
dẏwedassant vn geir ỽrth neb.
Pan arganfu ẏ corr peredur. ̷
haha heb ef graessaỽ duỽ ỽrth ̷+
ẏt peredur dec vab efraỽc arben ̷ ̷+
hic milwẏr a blodeu marchogẏ ̷+
on. Dioer was heb·ẏ kei llẏna
uedru ẏn|drỽc bot ulỽẏdẏn ẏn
uut ẏn llẏs arthur ẏn kael
dewis dẏ ẏmdidanỽr a|dewis
dẏ gẏfed. a galỽ ẏ kẏfrẏỽ dẏn
a hỽn ẏg|gỽẏd ẏr amheraỽdẏr
a|e teulu ẏn arbennic milwẏr
a blodeu marchogẏon. a rodi bon ̷+
clust idaỽ hẏnẏ uu ẏn ol ẏ pen
ẏ|r llaỽr ẏn|ẏ varỽ lewẏc. ar
hẏnnẏ llẏma ẏ gorres ẏn dẏ ̷+
uot. haha heb hi graessaỽ duỽ
ỽrthẏt peredur tec vab efraỽc
blodeu ẏ|milwẏr a|chanhỽẏll ̷ ̷
ẏ marchogẏon. Je vorỽẏn heb+
ẏ kei llẏna vedru ẏn drỽc bot
ỽlỽẏdẏn ẏn uut ẏn llẏs arthur
heb dẏwedut un geir ỽrth neb.
a galỽ kẏfrẏỽ dẏn a hỽn hediỽ
ẏg|gỽẏd arthur a|e vilwẏr ẏn
vlodeu milwẏr ac ẏn ganhỽ ̷ ̷+
ẏll marchogẏon. a gỽan gỽth
troet ẏndi hẏnẏ uu ẏn|ẏ marỽ+
lewic. Ẏ gỽr hir heb·ẏ peredur
ẏna; manac imi mae arthur.
124
Taỽ a|th son heb·ẏ kei; dos ẏn ol
ẏ marchaỽc a|aeth o·dẏma ẏ|r
weirglaỽd. a|dỽc ẏ gorflỽch ẏ ̷+|gan
thaỽ a bỽrỽ ef a chẏmer ẏ varch ̷
a|e arueu. a gỽedẏ hẏnnẏ ti a|gehẏ
dẏ vrdaỽ ẏn varchaỽc urdaỽl.
Ẏ gỽr hir heb ef minheu a|ỽnaf
hẏnnẏ. ac ẏmchoelut pen ẏ|varch
ac allan ac ẏ|r weirglaỽd. a|phan
daỽ ẏd oed ẏ marchaỽc ẏn march ̷ ̷+
ogaeth ẏ varch ẏn|ẏ weirglaỽd
ẏn vaỽr ẏ rẏfẏc o|e allu a|e deỽred.
Dẏwet heb ẏ marchaỽc a wele ̷ ̷+
ist|i neb o|r llẏs ẏn dẏuot ẏ|m hol i.
Ẏ gỽr hir oed ẏno heb ef a erchis
imi dẏ vỽrỽ ti a chẏmrẏt ẏ gor ̷+
flỽch a|r march a|r arueu ẏm+
ẏ|hun. Taỽ heb ẏ marchaỽc
dos tra|th|gefẏn ẏ|r llẏs. ac arch
ẏ genhẏf|i ẏ arthur dẏuot ae
ef ae arall ẏ ẏmwan ẏmi. ac
onẏ daỽ ẏn gẏflẏm nẏ|s aroaf i ̷
euo. Mẏn vẏg cret heb·ẏ peredur
dewis ti ae o|th vod ae o|th anuod ̷
miui a uẏnhaf ẏ march a|r arueu
a|r gorflỽch. ac ẏna ẏ gẏrchu o|r
marchaỽc ef ẏn llitẏaỽc ac ag|ar ̷ ̷+
llost ẏ waẏỽ rỽg ẏscỽẏd a|mẏnỽ ̷ ̷+
gẏl drẏchaf laỽ arnaỽ dẏrnaỽt ̷ ̷
maỽr dolurus. a|was heb·ẏ|peredur
nẏ wharẏei weisson vẏ mam
a|mifi vellẏ. minheu a chỽarẏaf
a|thẏdi val hẏn. a|e dẏfỽrỽ a|gaf ̷+
lach blaenllẏm a|e vedru ẏn ẏ
lẏgat hẏt pan aeth ẏ|r gỽegil
allan ac ẏnteu ẏn allmarỽ ẏ|r
llaỽr.
| « p 31r | p 32r » |