Rhydychen, Llsgr. Coleg yr Iesu 111 (Llyfr Coch Hergest) – tudalen 31v
Brut y Brenhinoedd
31v
123
galỽedic y bleid. Tarỽ a|ỽan y gyrn yn+
dunt. A gỽedy peito ef a|e dywalder. y
ỻỽngc ef eu kig. ac eu heskyrn. ac ym
penn y vran y ỻosgir. Gỽrychyonn y
gyneu a|symudir yn eleirch. y|rei a nofy+
ant yn|y sỽchdỽr megys yn|yr|auon. hỽy
a|lynckant y pysgaỽt yn|y pysgaỽt. a|r
dynyon yn|y dynyon. a gỽedy yd|henha+
ont y rithir ỽynt yn bennhỽyeit. ac ỽyn+
teu a lunyant brydycheu dan y mor. hỽ+
ynt a|sodant y ỻogeu. ac aryant ỻaỽer
a gynhuỻant. Eilweith y ỻeinỽ temys.
ac yny bỽynt alỽedigyon auonoed eith+
yr terfyn y chanaỽl y kerda. y keyryd
nessaf a|gud. a|r mynyded a diỽreida y ar
y ford. ỽrth hynny y rodir ffynnaỽn laỽn
o vrat ac enỽired. O honno y genir bre+
dycheu y alỽ y gỽyndyt ar ymladeu. Ke+
dernit y ỻỽyneu a gyttuuna. Ac ac ele+
cheu deheuwyr yd ymladant. Bran a|ehet+
ta gyt a|barcutanot. a chorfforoed y rei
ỻadedic a lỽnc. ar vuroed kaer loyỽ y
gỽna y bỽn y nyth. ac yn|y nyth y me+
gir assen. Hỽnnỽ a|uac sarff malvarn
Ac yn ỻaỽer o vredycheu y kyffroa. a
gỽedy kymero y goron yd yskyn goru+
chelder. ac o|r aruthur sein yd ofynhaa
y wlat. yn|y diwed ef y crynant y myny+
ded. ac yd|yspeilir y gỽladoed o|e ỻỽyn+
eu. Kanys daỽ pryf tanaỽl anadyl. yr
hỽnn a lysc y|gỽyd yny vo gỽrthlade+
dic y gỽlybỽr. O hỽnnỽ y kerdant seith
ỻeỽ ychen kynhyruedic o benneu bych+
eu. O dryc·wynt eu ffroeneu y ỻygrant
y gỽraged. ac a|e gỽnant yn|briaỽt u+
dunt. Nyt ednebyd y tat y briaỽt vab
kanys megys anifeileit y bydant ryỽ+
ed. ỽrth hynny y daỽ kaỽr enỽired. yr
hỽnn a a·ruthra paỽb o|lymder y ly+
geit. Yn erbyn hỽnnỽ y kyuyt dreic
kaer ỽyragon yr hỽnn a|uedylya ys+
tryỽ. Gỽedy bo ornest yrydunt y gor+
uydir y dreic. ac o enỽired y budugaỽl
y kyỽersegir. yskynnu ar y|dreic a|ỽna.
A gỽedy diotto y wisc yd eisted ar y ge+
fyn yn noeth. a|r dreic a|e|dỽc ynteu ar
124
oruchelder. A drychafel y ỻosgỽrn A|e uaedu
yn noeth. ac eilweith sef a|ỽna y kaỽr yny vo
kymeredic y nerth ef a|e gledyf briỽaỽ y gỽe+
uussoed. yn|y diỽed ef a|blygir y sarff dan
y ỻoscỽrn. ac o|e gỽenỽyn y byd marỽ. yn
ol hỽnnỽ y daỽ baed totneis ac o|e greulaỽn
lỽybyr y kyỽarsaga y bobyl. Kaer loyỽ a
drycheif ỻew. yr hỽnn a aflonyda o amryuae+
lyon ymladeu. hỽnnỽ a|sathyr dan y draet. ac
o agoredigyon weuussoed ef a|e haruthra
O|r diỽed y kyỽaeth˄la y ỻeỽ. a chefneu y
bonedigyon a|eskyn. Odyna y daỽ tarỽ
gỽythlaỽn ac y tereu y ỻeỽ a|r troet deheu.
Hỽnnỽ a|ỽrthlad y ỻeoed dielỽ y deyrnas. y
gyrn a|dyrr muroed ryt ychen. ỻeỽynaỽc
kaer dubal a dial y ỻeỽ. ac a|e treula oỻ a|e
danhed. Neidyr kaer lincol a|damgylchyna
y ỻeỽynaỽc. a|e chyndrycholder y laỽeryon
natred a|tystir o aruthyr whibanat. Ody+
na yd|ymladant y dreigeu. a|r neiỻ a vriỽ y
ỻaỻ. Yr adeinaỽc a gyỽarsaga yr hon heb
danhed. a|e gỽenỽynedic eỽined a|wasc
yn|y geneuoed. Ereiỻ a|daỽ y|r ymlad ac araỻ
a|lad hỽnnỽ. y pymet a nessa y|r ỻadedigyon
ac o amryuaef* gelfydodeu a|e briỽ. Odyna
yd yskyn kefyn un y·gyt a|chledyf. ac y
gỽahana y penn y ỽrth y gorff. yny vo dio+
dedic y wisc yd esgyn araỻ a|e deheu ac a|e
bỽrỽ y asseu. hỽnnỽ a|orchyfycka y noeth.
pryt na aỻei dim yn wiskedic. Y|rei ereiỻ a
boena oc eu kefyn. ac yg|crymder y deyrnas
y kymeỻ. ar hynny y daỽ ỻeỽ dan viglodi
ofynaỽc o diruaỽr dywalder. Teir pump+
ran a|dỽc y un ac e|hun a|ved y bobyl. Kaỽr
a|echtywynycka o liỽ gỽyn a|e bobyl wen
a|e blodeua. Tegycheu a wanhaa y tywys+
sogyon. a|darestygedigyon a symudir yn
anifeileit mor. Yna y dỽyrhaa ỻeỽ chỽyde+
dic o dynaỽl greu. Dan hỽnnỽ y dodir ia+
chỽyaỽdyl yn yt. yr hỽnn tra lafuryo o
vryt a|gyỽarsegir gan hỽnnỽ. Y|rei hynny
a hedych kerbyt kaer efraỽc. ac a|eskyn
yn|y kerbyt gỽedy gỽrthlado y arglỽyd.
ac a|chledyf noeth y gogyfedeu y dỽyrein
Ac a|leinỽ oleu y olỽynon o waet. Ody+
na y byd pyscaỽt yn|y mor. yr hỽnn atal+
| « p 31r | p 32r » |