LlGC Llsgr. Peniarth 4 (Llyfr Gwyn Rhydderch, rhan 2) – tudalen 32v
Peredur
32v
127
ac ẏn|ẏ diwed ef a doeth ẏ goet
maỽr ẏnẏal. ac ẏn ẏstlẏs ẏ|coet
ẏd oed llẏn. a|r tu arall ẏ|r llẏn
ẏd oed llẏs vaỽr a|chaer telediỽ
ẏn|ẏ chẏlch. ac ar lan ẏ llẏn ẏd
oed gỽr gỽẏnllỽẏt ẏn eisted ar
obennẏd o bali. a gỽisc o bali ẏm ̷+
danaỽ. a gỽeisson ẏn pẏscotta
ẏ|mẏỽn kafẏn ar ẏ llẏn. Mal ẏ
gỽẏl ẏ gỽr gỽẏnllỽẏt peredur
ẏn dẏuot. ef a gẏuodes ac a gẏr ̷+
chỽẏs ẏ llẏs. a chlof oed ẏ gỽr.
Ynteu peredur a|doeth racdaỽ
ẏ|r llẏs. a|r porth oed ẏn agoret.
ac ẏ|r neuad ẏ doeth. a phan daỽ
ẏd oed ẏ gỽr gỽẏnllỽẏt ẏn eis ̷ ̷+
ted ar obennẏd o bali. a|ffẏrẏftan
maỽr ẏn dechreu llosci. a|chẏuodi
a oruc teulu a|niuer ẏn erbẏn
peredur a|e discẏnnu a|e|diarche ̷ ̷+
nu a|wnaethant. a tharaỽ ẏ laỽ ̷
a|wnaeth ẏ gỽr ar tal ẏ goben ̷ ̷+
nẏd. ac erchi ẏ|r maccỽẏ dẏuot
ẏ eisted ar ẏ gobennẏd. a|chẏt+
eisted ac ẏmdidan a|orugant.
a phan uu amser. gossot bẏrdeu
a|mẏnet ẏ|uỽẏta. ar neill laỽ
ẏ gỽr y dodet ef ẏ eisted ac ẏ
uỽẏta. guedẏ daruot bỽẏta a
gouẏn a wnaeth ẏ gỽr ẏ peredur
a|ỽẏdat lad a|chledẏf ẏn da.
Na ỽn heb·ẏ peredur pei kahỽn
dẏsc na|s gỽẏpỽn. a ỽẏpei heb ̷ ̷
ẏnteu chware a|ffon ac a|tharẏ ̷+
an. llad a|chledẏf a|ỽẏbẏdei. deu
vab oed ẏ|r gỽr gỽẏnllỽẏt. gỽas
128
melẏn. a gỽas gỽineu. Kẏuodỽch
weisson heb ef ẏ chware a|r fẏnn
ac a|r tarẏaneu. Ẏ gỽeisson a|aeth+
ant ẏ chware. Dẏwet eneit i.
heb ẏ gỽr. pỽẏ o|r gỽeisson a chware
ẏn oreu. vẏn tebic i ẏỽ heb·ẏ pe ̷ ̷+
redur ẏ gallei ẏ gỽas melẏn
er|meitin gỽneuthur gỽaet ar
ẏ gỽas gỽineu pei as|mẏnnei.
Kẏmer ti eneit ẏ|ffon a|r tarẏan
o laỽ ẏ gỽas gỽineu. a gỽna waet
ar ẏ gỽas melẏn os gellẏ. Peredur
a gẏuodes ẏ vẏnẏd ac a gẏmerth
ẏ|ffon a|r tarẏan a drẏchafal llaỽ
ar ẏ gỽas melẏn a oruc hẏnẏ uu
ẏr ael ar ẏ llẏgat a|r gỽaet ẏn
redec ẏn frẏdẏeu. Je eneit heb
ẏ|gỽr dos ẏ eisted weithon. a go ̷ ̷+
reu dẏn a|lad a|chledẏf ẏn ẏr
ẏnẏs hon vẏdẏ. a|th ewẏthẏr
titheu vraỽt dẏ vam ỽyf|i. a
chẏt a|mi ẏ bẏdẏ ẏ wers|hon ẏn
dẏscu moes a mẏnut. Ymadaỽ
weithon a ieith dẏ vam. a mi
a uẏdaf athro it ac a|th urdaf ẏn
varchaỽc urdaỽl. O hẏn allan
llẏna a wnelẏch. kẏt gỽelẏch
a vo rẏued genhẏt. nac amofẏn
ẏmdanaỽ onẏ bẏd o ỽẏbot ẏ ve ̷ ̷+
negi it; nẏt arnat ti ẏ bẏd ẏ ke ̷+
rẏd namẏn arnaf|i. kanẏs mi ̷
ẏssẏd athro it. ac amrẏfal enrẏ ̷ ̷+
ded a|gỽassanaeth a|gẏmersant.
a|phan uu amser ẏ gẏscu ẏd|a ̷ ̷+
ethant. Pan doeth ẏ dẏd gẏntaf
kẏfodi a oruc peredur a|chẏmrẏt
| « p 32r | p 33r » |