Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 60v

Purdan Padrig

60v

11

y|ymdiret yn|yr arglỽyd. a mỽyỽỽy
oed y|tyỽyllỽch idaỽ gan bop cam a|ger+
dei y myỽn. ac yn|y lle ef a golles y
goleuat. a hyt nat oed dim manyn
tyỽyllỽch. ac o|r diỽed ef a|ỽelei vy  ̷+
chydic o oleuat o|e vlaen yn|yr ogof.
ac yn|y lle ef a|ỽelei y|neuad yn|y
maes mal y dyỽedyssit idaỽ. ac
nyt oed yno oleuat onyt mal y byd
yma y|gayaf gỽedy y del yr heul
yn|y hadeu. Nyt oed gant hagen y|r
neuad namyn pyst a|breicheu y+
n|y chynal. ar ỽeith claỽstyr my  ̷ ̷+
nyeich. Gỽedy ymdeith ohonaỽ yg
kylch y|neuad y|etrych ryuedaỽt
y gỽeith. ef a aeth y|myỽn. ac ot oed
ryued gỽeith y neuad o vaes ryue+
dach oed o|vyỽn. Ac yntev a eistedỽ+
ys enkyt bychan yn|y neuad gan
ymryfedu y|chyỽeirdabeu. a|e gỽeith.
a phan oed ef velly. llyma bymtheg
ỽyr o|ỽyr creuyd neỽyd eillaỽ y|bar+
uev. a gỽisgoed gỽynnyon ym·dan  ̷ ̷+
unt yn|dyuot y|r ty y myỽn. ac yn|y
ressau ef yn enỽ yr arglỽyd. ac yn
eisted ygyt ac ef yn distaỽ. ac vn
ohonunt megys tyỽyssaỽc arnunt
tybygei ef. o|e degỽch. ac y dyỽat
ỽrthaỽ val hynn. Bendigedic vo enỽ
duỽ yr hỽnn a gadarnhaỽys darpar
da y|th gallon di. a phoet ef a gỽppla+
o y|daeoni hỽnnỽ. annoc yti megys
y|dechreuis. a chan deuthost|i y|r pur+
dan y|th purhau o|th becheu. Reit
yỽ yti yn eill ae gỽneuthur ag  ̷ ̷+
hen yn aghen yn ỽraỽl dy|darpar.
ae titheu trỽy lesged mynet dy e  ̷ ̷+
neit o|th gorff yg|kyfyrgoll. yr
hynn ny|s damỽeinho duỽ yt. ~
Hynn hagen gỽedy y|delom ni y ỽr+
thyt. ef a|daỽ attat. lloneit y|ty
o|dieuyl. ac a|dygant yt boenenv gor  ̷+

12

thrỽm. ac a|vygythyant dy|dỽyn y
boenev a|vo trymach. a|hỽy a gnigy  ̷ ̷+
ant yti dy|dỽyn dracheuen y|r porth
y deuthost trỽy˄daỽ heb poen. ac yn didrỽc
gan veddylyaỽ kellỽeir it. ac o|gallant
ỽy dy|dỽyllaỽ ti velly. neu dy oruot.
o godyant poenev. neu aruthter eu
bygytheu. neu o|gytssynnyeit ohon+
at a|e hadaỽeu gan adu ohonat vd+
unt dy|dỽyllaỽ. dy eneit. a|th gorff a
ant yg|kyfyrgoll. a|dot titheu dy|ffyd
a|th obeith yn gadarnn yn|yr arglỽyd
duỽ val hynn yma nat yystygych ti
y|hadaỽeu hỽy. nac y bygytheu. nac
y|poenev. namyn megys y|tremygu ỽy
yn wastat. ac ef a|th purheir ditheu
o|th holl bechodeu. ac ygyt a hynny; ti
a|ỽely y poenev a|darparỽyt y|r pechadur+
yeit. a gorffỽys y rei gỽiryon yn eu
lleỽenyd. Bit duỽ y|th gof yn ỽastat.
pan boenon hỽy di. galỽ ditheu y|r ar+
glỽyd iessu grist. ac ar hynt val y dy+
ỽetych yr enỽ hwnnỽ ti a|vydy ryd o|r
holl boenev. ac ny allỽn ni ohir yma
bellach y·gyt a|thi. namyn y|r holl gy+
uoethaỽc duỽ y|th orchymynỽn. a gỽe+
dy rodi eu bendith idaỽ. yd aethant
ymdeith y ỽrthaỽ. Ywein. Marchawc. yna a|ymgyỽ+
eiraỽd y|myỽn milỽryaeth o|neỽyd.
val yd oed ỽraỽl yn ymlad a|dynyon
gynt. a arhoes yn|baraỽt. ac yn gad+
arnn o aruev crist y|amrysson yna yn
erbyn kythreuleit. canys y|neb a vyn+
ho amrysson yn erbyn dieuyl. ynn
gyntaf y|dyly gỽiscaỽ lluryc kyfy+
aỽnder ymdanaỽ. a dodi helym iech  ̷ ̷+
yt tragyỽyd am|y|benn. y gadarnhav
y|vryt yg|gobeith goruot. ac amdi+
fferet a|tharyan y ffyd. a bit gledyf
yr|yspryt glan gantaỽ. nyt amgen.
noc geir duỽ. ac yn ouunedaỽl ga+
lỽet ar yr arglỽyd iessu grist. hyt