Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 33v

Brut y Brenhinoedd

33v

131

y myỽn ỻestyr eur. ym penn
tỽr a|wnathoed e|hun yn ỻunde  ̷ ̷+
A |Gỽedy marỽ beli y [ in.
doeth gỽrgan varyftỽrch
y vab ynteu yn vrenhin. gỽr
vu hỽnnỽ a hedychaỽd gỽeith+
redoed y dat drỽy dagnefed a ia+
ỽnder. a chynnal y deyrnas
rac estraỽn genedyl gan gym+
eỻ y elynyon yn dylyedus da+
rostygedigaeth idaỽ. ac ym+
plith y gỽeithredoed hynny y
damchweinyaỽd nackau o vren+
hin denmarc y deyrnget a da+
lyssei y dat. ac a dylyei y dalu
idaỽ ynteu. a chyweiryaỽ ỻyg+
hes a|oruc ynteu a mynet hyt
yn denmarc. A gỽedy creulaỽn
ymlad a ỻad y brenhin kymeỻ
y bobyl y wedaỽl darostygediga+
eth idaỽ a|oruc a|r deyrnget
ual kynt y ynys prydein. A
phan yttoed yn dyuot parth
ac ynyssoed prydein. nachaf
yn kyfaruot ac ỽynt dec ỻog
ar|hugeint yn ỻaỽn o wyr a
gwraged. A gỽedy govyn ud+
unt o pa|le pan hanhoedynt.
a|pha|le yd|eynt. y kyuodes eu
tywyssaỽc y vyny. Sef oed y
enỽ bartholomi. ac adoli y wr+
gan a|oruc ac erchi naỽd idaỽ.
a|dywedut y ry|dehol o|r yspaen.
ac eu bot vlỽydyn a hanner
yn crỽytraỽ moroed yn keissaỽ

132

lle y gyuanhedu yndaỽ. ac
erchi idaỽ yn uvud darostyge+
dic rann o ynys prydein y|chy+
uanhedu dan dragywydaỽl ge+
ithiwet y|r neb a vei vrenhin
kanny eỻynt odef mordỽy yn
hỽy no hynny. A gỽedy gỽy+
bot eu neges truanhau a|wna+
eth gỽrgan ỽrthunt. ac anuon
kyuarỽydeit udunt hyt yn
Jwerdon a|oed diffeith yna. Ac
yna y rodes gỽrgan varyftỽrch
yr ynys honno y|r gỽydyl
gyntaf eiryoet. ac yna yd aeth+
ant y Jwerdon. Ac y kynnydas+
sant yno yr hynny hyt hediỽ.
ac y doeth gỽrgan y ynys pryde+
in. A gỽedy treulaỽ y oes drỽy
dagnefed a|e varỽ. y cladỽyt yg
kaer ỻion ar|wysc. y ỻe a|daro+
ed idaỽ y deckau a|e gadarn+
hau gỽedy marỽ y dat. 
A C yn ol gỽrgant y doeth
kuelyn y uab ynteu yn
vrenhin. A thra barhaaỽd y oes
yn dagnefedus y ỻywyaỽd y
deyrnas. a gỽreic oed idaỽ. Sef
oed y henỽ Marsia. a|r wreic hon+
no o|e hethrylithyr a dechymy+
gaỽd kyfreith a alwei y bryta+
nyeit kyfreith uarcia. a|r gyfre+
ith honno a drosses alvryt
vrenhin o gymraec yn saesnec.
A  Gỽedy marỽ kuelyn y do+
eth y vrenhinyaeth yn ỻaỽ