Llsgr. Philadelphia 8680 – tudalen 54v
Brut y Brenhinoedd
54v
135
A|thynnu gỽenhỽyuar
urenhines o|e riein·gadeir
a ry|gyscu genti gan lygru
kyfreith dỽywaỽl y neithor+
A Gỽedy menegi eu. ~
hynny y arthur yn|y
ỻe peidyaỽ a|oruc a|e darpar
am uynet y ruuein. ac ym+
choelut parth ac ynys pry+
dein. a brenhined yr ynys+
sed ygyt ac ef. A geỻỽng
howel uab emyr|ỻydaỽ a|ỻu
gantaỽ y tangneuedu ac
y hedychu y gỽladoed.
Canys yr ysgymunedic+
kaf uradỽr gan uedraỽt
a anuonassei cheldric tyỽ+
yssaỽc y saeson. hyt yn ger+
mania y gynnuỻaỽ y ỻu
mỽyaf ac a|aỻei yn borth
idaỽ. A rodi udunt a|oruc
o humyr hyt yn yscotlont.
Ac yn achỽanec. kymeint
ac a|uuassei y hors a|heyg+
yst kyn|no|hynny yg|kent.
Ac ỽrth hynny y deuth chel+
136
dric ac ỽythcant|ỻong yn
ỻaỽn o|wyr aruaỽc gantaỽ
o baganyeit. a gỽrhau y
vedraỽt. ac uvudhau idaỽ me+
gys y urenhin. ac neur|da+
roed idaỽ kedymdeithockau
attaỽ yr yscottyeit a|r|ffichteit.
a|phaỽp o|r a|wypei ef idaỽ
gassau y ewythyr. hyt pan
yttoedynt oỻ pedwar ugein
mil rỽng cristonogyon a
phaganyeit. Ac a|hynny
o niuer gantaỽ y deuth
medraỽt hyt yn|aber temys
y ỻe yd|oedynt ỻongeu arthur
yn|disgynnu. A gỽedy dech+
reu ymlad. ef a|wnaeth aer+
ua diruaỽr y meint o|r bryta+
nyeit yn|dyuot y|r tir. Kan+
ys yna y dygỽydassant araỽn
uab kynuarch brenhin ys+
cotlont. a gỽalchmei uab
gỽyar. Ac yn ol araỽn y
deuth owein uab uryen yn
vrenhin yn reget. y gỽr gỽe+
dy hynny a uu glotuaỽr yn
| « p 54r | p 55r » |