Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 93v

Ystoria Carolo Magno: Pererindod Siarlymaen

93v

137

ac y dechreuis gỽnneuthur e+
glỽys ar|y gost e|hun. ac yd|ede+
ỽis dogyn o|gost o|e chuplav.
a phann gychỽynnỽys ymeith
odyno. bendith y|padriarch a|e
gannyat a gymerth drỽy rat
duỽ. ac adaỽ idaỽ o delei o|e wl+
at pan vei gyflỽrỽ idaỽ yd|aey
y|r yspaen y|ymlad a|r paganne+
it. a|r gouunet hỽnnỽ a gỽpla+
aỽd charlymaen yn arderchaỽc.
pan gymerth rolond a|r deudec
gogyuurd y|nglyn mieri buch+
ed dragyỽyd dros uuchet am  ̷+
seraỽl. ac yna y|menegys char+
lymaen o|e lu bot eu hynt par+
th ac at hu corstinobyl. A|lla+
ỽenhav a oruc paỽb onadunt
y|r hynt honno. a|chychỽynn
a|orugant. a|r padriarch a|ger+
daỽd ygyt ac ỽy y|dyd hỽnnỽ
ac a|drigyaỽd ygyt ac ef y|nos
honno. a thrannoeth y bore y
gỽahannỽys y padriarch ac
ef trỽy adaỽ idaỽ y vendith.
ac euegyl tagneued. Y brenhin
a|e lu a|ebrydassant eu hynt.
ac a|doethant yn agos y|gorsti+
nobyl val y gỽelynt y keyryd
a|r kestyll. a|r muroed. a|r neu  ̷+
adev. a|r llyssoed. a|r eglỽyssev
vchel arbennic. a|r clodyev* vr+
dasseid y·rygtunt a|r dinas. ỽy
a|ỽelynt. ac a|dyỽanassant ar
weirglaỽd diruaỽr y|meint. a  ̷
digrifỽch edrych arnei o am  ̷+

138

ryual vlodeuoed. a llysseuoed.
a gỽascaỽdỽyd* ỽedy ry|blannv
yndi yn vrdasseid. a gỽyd ynn
meithrin llonydỽch. a yiechyt
drỽy aroglev. ac eu harogleu
ei* gỽedy eu hardhav. ac eu tec+
hav yn|y chylch o gylch. y|plan+
ỽyd hydỽf odidaỽc trỽy dechym+
yc kyỽreinrỽyd. yno yd oedynt
o|vonedigyonn kyfrỽg rif teir
mil yn gynn|hardet o|ỽisgoed
maỽrỽeirthaỽc. val kyt bei
brenhin pob vn onadunt. nev
deyrnn dylyedaỽc. rei onadunt
yn gỽare seccyr. ereill yn gỽarre
gỽyd·bỽyll. Ereill yn arỽein
gỽeilch. a|hebogev ar eu dỽylaỽ.
Ereill yn ym·didan a morynyon
ieueinc bonedigeid o verchet
teyrnned. a|diruaỽr riuedi yno
onadunt. a|r veint vonedigei+
drỽyd honno a ryuedaỽd char+
lymaen yn vaỽr. a galỽ attaỽ
vn o|r gỽyrda a|oruc. a|gouyn i+
daỽ pa le y gallei ef ymgaffel y
ymdidan a|r brenhin a oed arglỽ+
yd ar|y|niuer bonedigeid hỽnnỽ.
kerdỽch heb ef ragoch yny wel+
och lenn o|bali ỽedy ry dynnv ar
petỽar piler o eur. ac y·dan y llenn
honno y|mae y brenhin a ovyn+
ny di yn eredyc. a|r llenn yn|y
diffryt rac gỽres yr heul. a
bryssyaỽ a|oruc y|brenhin y|r lle
y|managassei y|marchaỽc idaỽ.
ac yno y kauas hu vrenhin