LlGC Llsgr. Peniarth 4 (Llyfr Gwyn Rhydderch, rhan 2) – tudalen 35v
Peredur
35v
139
oed gỽreic vaỽr delediỽ ẏn eisted
ẏ|myỽn kadeir a llaỽ·uorẏnẏon
ẏn amhẏl ẏn|ẏ chẏlch. a|llawen
uu ẏ|wreicda ỽrthaỽ. a|phan uu
amser mẏnet ẏ uỽẏta ỽẏnt a a ̷ ̷+
ethant. a gỽedẏ bỽẏta. Da oed
itti vnben heb ẏ wreic mẏnet
ẏ gẏscu ẏ le arall. Ponẏ allaf i gẏs ̷+
cu ẏma. Naỽ gỽidon eneit heb hi
ẏssẏd ẏna. ac eu tat ac eu mam
gẏt ac ỽẏnt. gỽidonot kaerloẏỽ
ẏnt. ac nẏt nes inni erbẏn ẏ|dẏd
an dianc noc an llad. ac neur derẏỽ
udunt gỽerescẏn a|diffeithaỽ ẏ
kẏfoeth onẏt ẏr vn tẏ hỽnn. Je ̷
heb·ẏ|peredur ẏma ẏ bẏdỽn heno.
ac os gouut a|daỽ. o gallaf les mi
a|e gỽnaf. afles nẏ wnaf inheu.
Ẏ|gẏscu ẏd aethant. ac ẏgẏt a|r
dẏd peredur a glẏwei diaspat. a chẏ+
fodi ẏn gẏflẏm a|oruc peredur o|e ̷
grẏs a|e laỽdỽr a|e gledẏf am ẏ vẏ ̷+
nỽgẏl ac allan ẏ doeth. a phan daỽ
ẏd oed widon ẏn ẏmordiwes a|r
gỽẏlỽr. ac ẏnteu ẏn diaspedein.
Peredur a|gẏrchỽẏs ẏ widon ac a|e
trewis a|chledẏf ar ẏ pen. ẏnẏ leda ̷ ̷+
ỽd ẏ helẏm a|e ffenffestin mal dẏs ̷+
cẏl ar ẏ phen. Dẏ naỽd peredur
dec vab efraỽc a|naỽd duỽ. paham
ẏ|gỽdost|i wrach mae peredur ỽẏf|i.
Tẏghetuen a|gỽeledigaeth yỽ im
godef gouut ẏ genhẏt. ac ẏ titheu
kẏmrẏt march ac arueu ẏ genhẏf
inheu. ac ẏgẏt a|mi ẏ|bẏdẏ ẏspeit
ẏn dẏscu itt varchogaeth dẏ varch
140
a theimlaỽ dẏ arueu. val hẏn heb
ẏnteu ẏ keffẏ naỽd. Dẏ gret na
wnelẏch gam vẏth ar gẏfoeth ẏ
iarlles honn. Kedernit ar|hẏnnẏ
a gẏmerth peredur. a chan ganhat
ẏ iarlles kẏchwẏnnu gẏt a|r widon
ẏ lẏs ẏ gỽidonot. ac ẏno ẏ bu teir
ỽẏthnos ar vn tu. ac ẏna dewis
ẏ varch a|e arueu a gẏmerth peredur.
a chẏchwẏn racdaỽ ẏmdeith. a|di ̷ ̷+
wed ẏ dẏd ef a|daỽ ẏ dẏffrẏn. ac ẏn
diben ẏ dẏffrẏn. ef a|doeth ẏ gudẏ ̷+
gẏl meudỽy. a llawen uu ẏ meudỽẏ
ỽrthaỽ. ac ẏno ẏ bu ẏ nos honno.
Trannoeth ẏ bore ef a gẏfodes ẏ
vẏnẏd. a|phan daỽ allan ẏd oed
kawat o eira gỽedẏ rẏ|odi ẏ nos
gẏnt. a gwalch wẏllt gỽedẏ rẏ
lad hỽẏat ẏn tal ẏ kudẏgẏl. a|chan
tỽrỽf ẏ march kẏfodi ẏ walch a|dis ̷ ̷+
gẏnnu bran ar ẏ kic ẏr ederẏn. Sef
a oruc peredur; sefẏll. a|chẏffelẏbu
duhet ẏ vran a gỽẏnder ẏr eira
a|chochter ẏ gỽaet ẏ wallt ẏ wreic
uỽẏhaf a garei a oed kẏn|duhet
a|r muchẏd. a|e chnaỽt ẏ wẏnder
ẏr eira. a|chochter ẏ gỽaet ẏn ẏr
eira gỽẏn. ẏ|r deu van gochẏon
ẏg grudẏeu ẏ wreic uỽẏhaf a ga ̷ ̷+
rei. ar hẏnnẏ ẏd oed arthur a|e
teulu ẏn ẏ geissaỽ ẏnteu peredur.
a|ỽdoch|i heb·ẏr arthur pỽẏ ẏ mar ̷ ̷+
chaỽc paladẏr a|seif ẏn|ẏ nant uchot.
arglỽẏd heb·ẏr vn mi a af ẏ|ỽẏbot
pỽẏ ẏỽ. ẏna ẏ doeth ẏ mackỽẏ ẏn
ẏd oed peredur a gofẏn idaỽ beth
| « p 35r | p 36r » |