LlGC Llsgr. Peniarth 5 (Llyfr Gwyn Rhydderch, rhan 1) – tudalen 94r
Ystoria Carolo Magno: Pererindod Siarlymaen
94r
139
yn llauuryaỽ eredyc yn vonned ̷+
digeid. anryued oed yr aradyr.
eur oed y|sỽch a|r cỽlltỽr. Mein
rinỽedaỽl. maỽrỽeirthaỽc oed
yr ieuaỽr. ac nyt ar y draet yd
ymlynei y brenhin yr ychenn.
namyn o|e eisted y|myỽn kadeir
o eur. a deu vul gadarnn yn|y har+
ỽein o bop tu idi yn difleis didra+
dramgỽyd. ac ỽrth y gadeir y a+
danei yd oed meinc o aryant yg
kynhal traet y brenhin. Meinc
hard ỽedus am|y dỽy·laỽ. a rac+
tal eur am y benn o|e diffryt. rac
tragỽres yr heul. llenn o|bali v ̷+
ch y benn ỽedy ry dynnv ar petỽ+
ar piler o eur a|oedynt ar pedeir
bann y gadeir. yn|y laỽ yn lle iren
y|gymell yr ychen y eredic yd oed
ỽialen eur. kynn vuanet y|tyn+
hei y kỽyssev. a chynn tecket. a
llinyev a|tynnit ỽrth lynyaỽdyr
gyfyaỽn. Ac nyt yr bot yn reit
y|r brenhin y eredyc. namyn cof
oed gantaỽ y hanuot o etiued
y gỽr y dyỽetpỽyt ỽrthaỽ pan y
gyrrỽyt o|baradỽys. Yn chỽys.
a|llauur dy|gorff. a gnif dy gal+
lon bit dy ymborth. adaf oed hỽn+
nỽ. ac val y doeth charlymaen
yn deissyuyt at y brenhin. kyf+
arch gỽell a|oruc pob vn onadunt
y|gilyd. ac y gouynnỽys hu idaỽ
pỽy oed. ac o|ba le pan dathoed.
a|pha achaỽs oed y dyuodyat.
a|phy du y|tynnei y llu maỽr
140
hỽnnỽ. Charlymaen heb ef ỽyf|i.
ac o|freinc pan ỽyf. a brenhin y|lle
hỽnnỽ ỽyf. a rolond vy nei. i. yỽ
hỽnn y|gỽas Jeuanc clotuorus+
saf. Mi a|diolchaf y duỽ heb·yr
hu gỽelet ohonaf|i yn gyndry+
chaỽl y brenhin a giglef laỽer
o|weithredoed y|glot. a|e volyant
gan a delei o|ffreinc. A mi adoly+
gaf y chỽi trigyaỽ ygyt a|mi
vlỽydynn. val y gallom ynn
hynny o ysbeit ym·gytymeith+
assu. ac ymadnabot. ac ymrỽy+
maỽ y|myỽn getymdeithas. a
phan eloch y ỽrthyf|i. mi a|agor+
af vy eur·dei yỽch y dỽyn genỽch
y|ch gỽlat a|alloch y gychỽynn
o eur. ac yr aỽr honn o|ch acha+
ỽs chỽi. mi a ollygaf yr ychen.
ac a teruynnaf y gỽeith kynn
y amser. Ac yna gollỽg yr ych+
enn a oruc hu. ac ysgynnv ar
vul hard vchel esmỽyth tec
gỽastatualch hydỽf. a chywe+
irdeb brenhinaỽl arnaỽ. a|e y*
ymdaat a|ỽedei y bop brenhin.
ac ar gam ehalaeth ef a ger+
daỽd gyt a|e ỽestei hyt y llys
a|hu a anuones o|r blaen y|ry+
budyaỽ y vrenhines. ac y gy+
ỽeiraỽ y|neuad vrenhinaỽl o|r
adurnn teckaf a balchaf o|r a
ellit. ~
A C yna y doethant y|my+
ỽn ỽynt. ac eu niuer.
a disgynnv o vyỽn y|r
| « p 93v | p 94v » |