Llsgr. Philadelphia 8680 – tudalen 55v
Brut y Brenhinoedd
55v
139
yn|y|ỻe a|e hymlynỽys hyt y
wlat|honno. hyt ar|lan kam+
lan y ỻe yd oed uedraỽt yn|y
aros. Ac ỽrth hynny megys
yd|oed vedraỽt gleỽaf a|gỽy+
chraf yn kyrchu. yn|y ỻe
gossot y uarchogyon yn uy+
dinoed a|oruc. kanys gỽeỻ
oed gantaỽ y lad neu ynteu
a|orffei. no ffo yn hỽy no
hynny. Canys yd|oed et+
twa gantaỽ o eiryf trugein
mil. Ac o hynny y gỽna+
eth ef chwec* bydin. o chwe
gỽyr a|thrugeint a chwech
chant a chỽe mil ympob
bydin o|wyr aruaỽc. Ac
o|r rei nyt yttoedynt yn|y
chwech bydin. ef a|wnaeth
bydin idaỽ e|hun. a|rodi ỻyỽ+
odron y bop un o|r rei ereiỻ
oỻ. a dyscu paỽp o·nadunt
ac eu|hannoc y ymlad a|o+
ruc gan|adaỽ udunt enry+
ded a|chyuoeth os ef a|orffei.
Ac o|r parth araỻ arthur
140
a|ossodes y wyr ynteu drỽy
naỽ bydin. a gorchymun y
baỽp onadunt ac annoc ỻad
y ỻadron tỽyỻwyr ysgymun
a|dathoedynt o|wladoed ere+
iỻ o|dysc y bradỽr y geissaỽ
y digyuoethi ynteu. a|r|bo+
byl a|welỽch chỽi racko heb·yr
arthur a|gynnuỻỽyt o|wlat+
oed amryuaelon. ac aghyfy+
eith ynt a|ỻesc ac aghyfrỽys
ar ymlad. ac ny aỻant gỽr+
thỽynebu yỽch. kanys kyf+
rỽys yỽch chỽi. Ac ueỻy paỽb
o·nadunt yn annoc y wyr o
bopparth. Ac yn|deissyuyt
ymgyuaruot a|ỽnaeth y
bydinoed yghyt. a|dechreu
ymlad a newidyaỽ dyrnodeu
yn uynych. A|chymeint
uu yr aerua yna o bop parth
ac megys yd|oed gỽynuan
y rei meirỽ yn kyffroi y rei
byỽ ar|lit ac ymlad. ac me+
gys yd|oed blin a|ỻauuryus
y yscriuennu na|e datkanu.
kanys
| « p 55r | p 56r » |