Llsgr. Philadelphia 8680 – tudalen 56r
Brut y Brenhinoedd
56r
141
kanys o bop parth y brethynt
ac y brethit ỽynteu. ỽynt a
ledynt ac ỽynteu a|ledit.
Ac o|r|diwed gỽedy treulaỽ
ỻaỽer o|r|dyd yn|y mod hỽnỽ.
arthur a|e uydin a|gyrchỽys
y vydin y gỽydyat bot y tỽy+
ỻỽr gan uedraỽt yndi. ac a+
gori ffyrd udunt a|r cledyueu.
ac yn|diannot mynet drost+
unt. a|gỽneuthur aerua
diruaỽr onadunt. Canys
yn|y ỻe y dygỽydỽys yr ys+
gymunedickaf uradỽr hỽn+
nỽ gan vedraỽt. a|ỻawer o
vilyoed ygyt ac ef. ac eis+
soes yr hynny ny ffoyssant
y rei ereiỻ. namyn yngyn*+
nuỻaỽ ygyt o|r maes oỻ.
Ac yn|herwyd eu gleỽder
keissaỽ ymgynnal a|gỽrth+
ỽynebu y arthur. Ac ỽrth
hynny gỽychraf a girattaf
a|chreulonaf aerua a|uu y+
rygtunt yna o|pob|parth
ac eu|bydinoed yn|syrthyaỽ.
Ac yna o bop|parth y uedraỽt
142
y syrthassant cheldric. ac
elauyỽs egberinc brenhin
o|r saeson. O|r gỽydyl y syr+
thassant giỻapadric. Giỻa+
mỽri. Giỻasel. Giỻamor.
Yr yscottyeitt. a|r ffichteit.
ac ỽynt ac eu harglỽydi oỻ
haeach a|las. Ac o|bleit ar+
thur y|ỻas osbrinc brenhin
ỻychlyn. Echel brenhin
denmarc. kadỽr ỻemennic
iarỻ kerny. Caswaỻaỽn.
a|ỻawer o uilioed y·gyt ac
ỽynteu. rỽng y brytanyeit
a|chenedloed ereiỻ a|ducsynt
ygyt ac ỽynt. Ac ynteu
yr arderchaỽc urenhin ar+
thur. a|urathỽyt yn agheu+
aỽl. ac a|ducpỽyt odyno
hyt yn|ynys avaỻach y acha*+
u o|e welieu. Coron y deyr+
nas o ynys brydein a gym+
ynnỽys ynteu y gustenhin
uab kadỽr iarỻ kernyỽ y
gar. Dỽy vlyned a|deugeint
a|phump cant gỽedy dyuot
crist yg|knaỽt dyn oed hynny. ~ ~
| « p 55v | p 56v » |