Llsgr. Philadelphia 8680 – tudalen 57r
Brut y Brenhinoedd
57r
145
a|e uolyant. a|nei y gusten+
hin oed gynan. A|hỽnnỽ a
gynhalaỽd ỻywodraeth ynys
prydein. ac a|wisgỽys coron
y deyrnas am y benn. a thei+
lỽng oed ohonei. pei na|chy+
uarffei giỽtaỽdaỽl ryuel ac
ewythyr araỻ a|oed idaỽ a|dy+
lyei gaffel y urenhinyaeth
gỽedy custenhin. hỽnnỽ a
garcharỽys ef ac a|ladaỽd y
deu uab. a|r eil ulỽydyn o|e
arglỽydiaeth y bu uarỽ.
Ystoria gỽerthefyr ~ ~ ~
A C yn|ol kynan y deuth
gỽertheuyr yn uren+
hin. Ac yn erbyn hỽn+
nỽ y deuth ỻyghes uaỽr o
saeson o germania. Ac eis+
soes ef a|ymladaỽd ac ỽynt.
Ac a|gynhalyaỽd ỻywodra+
eth yr ynys pedeir blyned
drỽy garyat a hedỽch.
ystorya maelgỽn.
A C yn ol gỽerthefyr
y deuth maelgỽn
gỽyned yn urenhin.
146
a|thekaf gỽas haeach o
hoỻ urenhined a thywysso+
gyon ynys prydein oed hỽnnỽ.
A diwreidỽr ỻawer o|wyr
creulaỽn cadarn yn|arueu.
ehalaethach no neb oed. a
chlotuorussach no|r un. pei
nat ymrodei y myỽn pechaỽt
sodomani. ac am hynny yd
oed gas ef gan|duỽ. Hỽnnỽ
a|gynnhelis ynys prydein yn
hoỻaỽl a|chwech ynys gyt a
hi. Jwerdon. Jslont. a gotlont.
Orc. a|ỻychlyn. a|denmarc.
o uynych greulaỽn ymladeu
y darestygỽys ỽynt. Ac yn
eglwys gerỻaỽ deganỽy yn
y gasteỻ e|hun y bu uarỽ.
ystorya keredic vrenhin ~
A C yn nessaf y uaelgỽn
y deuth keredic yn uren+
hin. Gỽr a|garei giwt+
aỽtaỽl teruysc oed hỽnnỽ.
Cas gan duỽ a|chan y bryta+
nyeit oed ynteu. A|gỽedy
gỽybot o|r saesson y anwastat+
rỽyd ef. ỽynt a|aethant hyt
| « p 56v | p 57v » |