LlGC Llsgr. Peniarth 5 (Llyfr Gwyn Rhydderch, rhan 1) – tudalen 97v
Ystoria Carolo Magno: Pererindod Siarlymaen
97v
153
ac yn atteb idav y dyỽat. Oia
vrenhin kyssegredic anrydedus
heb ef. paham yr peth gorỽac
diffrỽyth y bydy lidiaỽc di. ac
y kyffry dy brudder. a|thoethi+
neb yr dyỽedut yn·vyttrỽyd.
a massỽed. o|r neb a vedỽeist|i dy
hun o|th ỽirodev da. ac ny ỽyd+
dem ni vot neb y|th ystauell ti
namyn nv hunein. A deuaỽt
yn gỽlat ni oed gỽedy diaỽt
prydu geirev hỽaryus y chỽer+
dit am·danunt. am gỽplav ha+
gen y geirev a dyỽedy di. mi a
ymdinaddanaf a|m gỽyrda. ac
o|gyt·gyghor ti a geffy atteb.
dos tithev y gymryt kyghor.
ac nyt oed le y|ym·gyghor am ̷
yr hynn ny allei vot. a gỽybyd
di pan diegych di y|gennyf|i. na
chellỽeiry di vrenhin arall y*
vyth. Ac yna yd|aeth charly+
maen y le dirgel ef a|e ỽyrda
y gymryt y kygor. Ha ỽyrda
heb ef neu|n tỽyllỽys y gyued ̷+
ach neithỽyr yn dybryt. o yma+
drodyon ny ỽedei y hudolyonn
eu traethu. neu y|groessanneit.
ac edrychỽch ynn pa delỽ yd ym+
diaghom y ỽrth vygỽth hu
gadarnn. bit yn gobeith heb·y
turbin yn duỽ o|r nef. ac arch+
ỽn idaỽ dỽyỽaỽl gygor o dihe+
ỽyt yn bryt. Ac yna dygỽyd+
daỽ yn eu gỽedi rac bronn y kr+
eirev kyssegredic a|orugant.
154
a gỽarandaỽ eu gỽedi a oruc
duỽ. ac anuon agel o|e hyfuryt+
tav. ac y gadarnnhav eu me+
dỽl gann edrych eu halltuded.
ac erchi y charlymaen kyuo+
di y|vynyd. a menegi idaỽ gỽa+
randaỽ o duỽ y ỽedi. yr hỽnn
yssyd gedernyt didramgỽyd y
bop gỽann. ac ef a|e cỽplaei
trỽy nerth duỽ yr hynn a de ̷+
wissei hu o|r holl waryev. a|gor+
chymynn y charlymaen na va+
nagei y|neb y gennadỽri hon+
no dyỽaỽl honno. Kyuodi yn llaỽen hy+
uryt a oruc charlymaen. o|e
wedi. a hyurytav y|wyr a dy+
uot yn|y lle yd oed hu. arglỽ+
yd vrenhin heb ef gan dy gan+
nyat. mi a ymadrodaf a|thi.
neithỽyr yd oedem ni yn gorffỽ+
ys y|th ystauell di yn diogel
genhym rac na thỽyll na brat
nac y gennyt nac y ỽrthyt. Sef
yd ymdidanassam val yd oed de ̷+
uaỽt genhym y|n gỽlat o drae+
thu gỽaryev. Sef yd oedut tith+
ev yn Mynnv cỽplav y gỽary+
ev hynny trỽy weithret. De ̷+
ỽis y|gỽare a vynnych yn gyn+
taf. Mi a deỽissaf heb·yr hu.
Oliuer a|dyỽat peth an·adỽyn
y gallei ef kytyaỽ ganỽeith
yn vn nos a merch i. ef a geiff
y|verch heb ef. ac ny lyỽyo hu
gadarnn teyrnnas o|laỽ hynn
o byd vn ỽeith yn eissev o|r cant
| « p 97r | p 98r » |