Llsgr. Philadelphia 8680 – tudalen 60r
Brut y Brenhinoedd
60r
157
dyna pan yttoed y racdywe+
dedic creulaỽn hỽnnỽ yn
kyrchu bangor. A|r|brytany+
eit yn clybot y greulonder
ef a|e ynuytrỽyd. eu tywysso+
gyon a|ymgynnuỻassant
ygkyt o bop ỻe. Nyt amgen
bledrus dywyssaỽc kernyỽ.
Maredud brenhin dyuet.
Katuan uab Jago brenhin
gỽyned. a dechreu ymlad
a|wnaethant. Ac ar hynt
kymeỻ edelffet ar|ffo yn ura+
thedic. gỽedy ỻad o|e lu chỽ+
egỽyr a|thrugeint a|deg
mil. Ac o barth y brytanye+
it y dygỽydassant bledrus
dywyssaỽc kernyỽ. y gỽr
a|oed bennaduraf. ar|yr ym+
lad hỽnnỽ. Ac odyna yd
ymgynnuỻassant hoỻ dyỽ+
yssogyon y brytanyeit hyt
yg|kaer ỻeon. Ac o gyttuun+
deb ỽynt a|urdassant katuan
uab iago uab beli yn uren+
hin arnadunt. Ac erlit
edelffet drỽy humyr. ~
158
ystorya katuan uab Jago ~
A Gỽedy coronhau
katuan uab Jago
o goron y deyrnas.
Ymgynnuỻaỽ a|orugant
y brytanyeit attaỽ. Ac yn
gyttuun yd|aethant yn|ol e+
delffet drỽy humur.
A|phan gigleu edelffet hynny
ynteu a gynnuỻaỽd y hoỻ
saesson attaỽ. Ac odyna ual
yd oedynt o bop parth yn bydi+
naỽ y deuthant eu kedymdei+
thon y·rydunt. a|gỽneuthur
tagneued y·rydunt ar y
wed honn. gadu y edelffet y
parth draỽ y humur. ac y
gatuan y parth yma. Nyt
amgen ỻoeger a|chymry
a|chernyỽ a|choron y deyrnas.
a chadarnhau hynny drỽy
aruoỻ a gỽystlon. A|gỽedy
daruot hynny. kymeint
uu y gedymdeithas y·rydunt
ac yd oed gyffredin pob y·ryd+
dunt. Ac odyna y daruu a+
naỽsgymot y·rỽng edelffet
| « p 59v | p 60v » |