LlGC Llsgr. Peniarth 4 (Llyfr Gwyn Rhydderch, rhan 2) – tudalen 40r
Peredur
40r
157
weleis gẏntaf. mi a|th gereis. a|phẏ
le ẏ keissỽn i tẏdi. Pan geissẏch ti
viui; keis parth a|r india. ac ẏna ẏ
difflannỽẏs ẏ vorỽẏn ẏmdeith gỽe ̷+
dẏ rodi ẏ|maen ẏn llaỽ peredur. ac
ẏnteu a|doeth racdaỽ parth a|dẏf ̷+
frẏn auon. a gororeu ẏ dẏffrẏn oed
ẏn goet. ac o pop parth ẏ|r auon ẏn ̷ ̷
weirglodeu gỽastat. ac o|r neill parth
ẏ|r afon ẏ gỽelei kadỽ o defeit gỽyn ̷+
nẏon. ac o|r parth arall ẏ gỽelei kadỽ
o defeit duon. ac val ẏ brefei vn o|r
defeit gỽẏnẏon. ẏ deuei vn o|r defeit
duon drỽod ac ẏ bẏdei ẏn wen. ac val
ẏ brefei vn o|r defeit duon; ẏ deuei
vn o|r defeit gỽẏnnẏon drỽod ac ẏ
bẏdei du. a phren hir a welei ar lan
ẏr afon. a|r neill hanher oed idaỽ
ẏn llosci o|r gỽreid hẏt ẏ vlaen.
a|r hanher arall a deil ir arnaỽ. ac
uch llaỽ hẏnnẏ ẏ gỽelei mackỽẏ ̷
ẏn eisted ar pen cruc a deu vilgi
vronwẏnẏon vrẏchẏon mẏỽn
kẏnllẏfan ẏn gorwed ger ẏ laỽ.
a|diheu oed ganthaỽ na welsei ei ̷+
roet maccỽẏ kẏ|teẏrneidet ac ef.
ac ẏn|ẏ coet gẏfarỽẏneb ac ef ẏ clẏ ̷ ̷+
wei ellgỽn ẏn kẏfodi hẏdgant.
a chẏfarch gỽell a|wnaeth ẏ|r mac ̷+
cỽẏ. a|r maccỽẏ a gẏfarchaỽd well
ẏ peredur. a their fford a welei peredur
ẏn mẏnet ẏ ỽrth ẏ cruc. ẏ|dỽẏ|fford
ẏn vaỽr. a|r trẏded ẏn llei. a gofẏn ̷
a oruc peredur pẏ le ẏd aei ẏ teir fford.
vn o|r ffẏrd hẏn a a ẏ|m llẏs i. ac
vn o|r deu a gẏghoraf|i itti ae mẏnet
158
ẏ|r llẏs o|r blaen at vẏg gỽreic i
ẏssẏd ẏno ae titheu a arhoẏch ẏ ̷ ̷+
ma a|thi a|welẏ ẏ|gellgỽn ẏn kẏ ̷+
mell ẏr hẏdot blin o|r coet ẏ|r ma ̷ ̷+
es. a|thi a|welẏ ẏ|milgỽn goreu
aa weleist eiroet a gleỽhaf ar hẏ ̷ ̷+
dot ẏn|ẏ llad ar ẏ dỽfẏr ger an llaỽ.
a|phan vo amser in mẏnet ẏ|n
bỽẏt; ef a|daỽ vẏg was a|m march
ẏ|m|herbẏn. a|thi a|geffẏ lewenẏd
ẏno heno. Duỽ a|talho it nẏ thri ̷ ̷+
gẏaf|i namẏn ragof ẏd af. Ẏr eil fford
a a ẏ|r dinas ẏssẏd ẏna ẏn agos. ac
ẏn hỽnnỽ ẏ keffir bỽẏt a|llẏn ar
werth. a|r fford ẏssẏd lei no|r rei ere ̷ ̷+
ill a a parth a gogof ẏr adanc. gan
dẏ ganhat vaccỽẏ parth ac ẏno ẏd
af|i. a dẏfot a wnaeth peredur parth
a|r ogof. a chẏmrẏt ẏ|maen ẏn|ẏ llaỽ
asseu. a|e waẏỽ ẏn|ẏ llaỽ deheu. ac
val ẏ daỽ ẏ|mẏỽn. arganuot ẏr ad ̷ ̷+
anc a|wnaeth a|e wan a|gỽaẏỽ trỽ ̷ ̷+
ẏdaỽ. a llad ẏ penn. a|phan daỽ ẏ|ma+
es o|r ogof. nachaf ẏn drỽs ẏr|ogof
ẏ tri chetẏmdeith. a|chẏfarch gỽell
a|wnaethant ẏ peredur. a|dẏwedẏt
pan ẏỽ idaỽ ẏd oed darogan llad
ẏr ormes honno. a rodi ẏ pen a|w ̷ ̷+
naeth peredur ẏ|r maccỽẏeit. a chẏn ̷ ̷+
nic a|wnaethant ỽẏnteu idaỽ ẏr
vn a dewissei o|e teir chwiored ẏn
briaỽt a|hanher eu brenhinẏaeth
ẏ·gẏt a hi. Nẏ deuthum i ẏma ẏr
gỽreicca. a|phei mẏnhỽn vn wreic
ac atuẏd aỽch whaer chỽi a vẏnnỽn
ẏn gẏntaf. a cherdet racdaỽ a wnaet
| « p 39v | p 40v » |