Llsgr. Philadelphia 8680 – tudalen 62v
Brut y Brenhinoedd
62v
167
a|ỻit a gymerth kadwaỻaỽn
yndaỽ o achaỽs ry goỻi y
gedymdeithon megys y
bu deirnos a thri·dieu yn
gorwed ar y wely heb uyn+
nu na|bỽyt na|diaỽt. Ac
yn|y pedwyryd dyd y deuth
idaỽ chwant kic hely.
Ac ỽrth hynny galỽ breint
y nei a|oruc attaỽ. a|mene+
gi idaỽ hynny. Ac yna y
kymerth breint y uỽa a|e
saetheu. a chrỽytraỽ yr y+
nys oỻ a|oruc. y syỻu a gyf+
arffei un gỽydlỽdyn ac ef.
o|r hỽnn y gaỻei bỽyt y
arglỽyd. A|gỽedy na cha+
uas dim o|r a|geissei. Dir+
uaỽr ofyn a|gymerth bre+
int yndaỽ ỽrth na aỻei gaf+
fel y damunet y arglỽyd.
Kanys ofyn oed gantaỽ dy+
uot y agheu o hynny.
Ac ỽrth hynny arueru a|o+
ruc breint o geluydyt new+
yd a|thrychu|dryỻ o gehyr y
uordỽyt. a|e dodi ar|uer a|e
168
bobi. a|e dỽyn y|r brenhin.
Ac yn|y ỻe gan debygu mae
kic gỽydlỽdyn oed y gym+
ryt a|e uỽyta a|oruc. Ac
enryuedu na ry gaỽssei
eiryoet y ueint uelyster
honno ar|gic araỻ. A|gỽe+
dy bỽyta y kic ohonaỽ.
ỻawenach uu. megys yd
oed ar benn y trydyd dyd
yn hoỻiach. Ac odyna pan
gaỽssant eu rỽyd·wynt. kyỽ+
eiryaỽ y ỻog y hỽyl gan
rỽygaỽ y mor. Ac y gaer
gathalet y|deuthant y tir
ỻydaỽ. Ac odyna y deuth+
ant att selyf urenhin ỻydaỽ.
ac ynteu a|e haruoỻes ỽ+
ynt yn|ỻaỽen hynaỽs.
A gỽedy gỽybot ystyr y
neges. ef a|edewis kanhor+
thỽy udunt ygyt a|r|yma+
drodyon hynn.
D Oluryus yỽ gennyf
etholedigyon wyr
Jeueinc bot gỽlat an hen+
| « p 62r | p 63r » |