LlGC Llsgr. Peniarth 19 – tudalen 42r
Brut y Brenhinoedd
42r
169
les uab coel. a|e vedydyaỽ. a|e y·m+
choelut att grist o|e hoỻ gaỻon.
Dechreu a|wnaeth y bobyl yn
y ỻe rydec attunt. ac o dysc ac
agkreifft eu brenhin credu y
duỽ ac eu bedydyaỽ yn enỽ
crist drỽy fyd gatholic. ac ue+
ỻy eu rifaỽ ymplith y gleiny+
on genueinyoed ac eu talu
y grist eu creaỽdyr ỽynt. ac y+
sef a|wnaethant y gỽynuyde+
digyon athraỽon hynny gỽ+
edy daruot udunt dileu cam+
gret o|r hoỻ ynys. y temleu
a ry daroed eu seilyaỽ y|r geu+
dwyweu. kyssegru y rei hyn+
ny. ac eu haberthu y|r gỽir
duỽ hoỻ·gyuoethaỽc. ac y|r
ebystyl a|r seint. a gossot yn+
dunt amryuaelon genueino+
ed o urdas y lan eglỽys y
dalu dỽywaỽl wassanaeth y
eu creawdyr. Ac yn yr|amser
hỽnnỽ yr oedynt yn ynys
brydein yn talu enryded y|r
geudỽyweu. Wyth temyl ar
hugeint a their prif demyl
y ar hynny a|oed vch noc ỽyn+
teu. ac ỽrth gyfreitheu y rei
hynny y darostygei y rei e+
reiỻ oỻ. ac o arch yr ebostol+
awl wyr hynny y ducpỽyt
y temleu hynny y ar y geu+
dỽyweu. ac yd aberthỽyt y
duỽ ac y|r arglỽydes veir.
170
ac ympob vn o|r wyth temyl
ar|hugeint gossot esgob. ac
ym·pob vn o|r teir temyl ar+
bennic hynny gossot arch+
esgob. a rannu yr wyth te+
myl ar|hugeint yn deir
rann ỽrth vuudhau y|r tri
archesgob. ac eisteduaeu y
tri arch·esgob yn|y tri ỻe
pennaf yn ynys brydein.
Nyt amgen ỻundein a cha ̷+
er efraỽc a chaer ỻion ar
wysc. ac y|r tri dinas hynny
darostỽg yr wyth ar|hu+
geint. A gỽedy rannu ynys
brydein yn deir rann y dy+
gỽydaỽd yn rann arches+
gob kaer efraỽc deifyr a
byrneirch a|r alban. megys
y keidỽ humbyr. ac ỽrth
archesgobaỽt lundein y
doeth ỻoegyr a chernyỽ. ac o+
dyna kymry oỻ megys y
keidỽ hafren ỽrth arches+
gobaỽt kaer ỻion ar ỽysc.
A Gỽedy daruot y|r deu
wrda gatholic hynny
ỻunyaethu pob peth yn
wedus. o|r a berthynei parth
a|r lan fyd. ymchoelut a|o+
rugant drachevyn parth
a ruuein. a datkanu y eleu+
terius bab bop peth o|r a
wnathoedynt. a chadarn+
hau a|wnaeth y pab bop
peth
| « p 41v | p 42v » |