Llsgr. Philadelphia 8680 – tudalen 64v
Brut y Brenhinoedd
64v
175
y|r|tir. ef a|gymerth gỽisc reudus
ymdanaỽ. Ac yn|rith aghena+
ỽc kerdet a|pheri gỽneuthur
bagyl hayarn yn ulaenỻym
idaỽ. a|r honn o|r damỽeinei
idaỽ gaffel kyffur y ỻadei yn+
teu y dewin. Ac odyna y
kerdỽys breint parth a|chaer
efraỽc. kanys yno yn yr am+
ser hỽnnỽ yd|oed y dewin y+
gyt ac etwin. Ac ual y deuth
y|r dref ymgymuscu a|r reu+
dusson a|oruc y rei a|oedynt
yn aros alwissen ym|porth
ỻys y brenhin. Ac ual yd oed
ureint yn treiglaỽ ymplith
y reudusson. nachaf chỽaer
idaỽ yn|dyuot aỻan o|r ỻys. a
phaeol yn|y ỻaỽ yn|kyrchu
dỽfyr y|r urenhines. a honno
a|dugassei etwin o gaer wy+
ragon gantaỽ gỽedy dehol
kadwaỻaỽn. A phan yttoed
honno yn|kerdet heb laỽ bre+
int. adnabot y chwaer a|o+
ruc ac ỽylaỽ. ac yn nissel* ga+
lỽ arnei. Ac ysef a|oruc hith+
176
eu. trossi y hỽyneb attaỽ.
ac yn gyntaf petrussaỽ pỽy
oed. A|gỽedy dynessau at+
taỽ ac adnabot y|braỽt. me+
gys hayach ỻywygu a|oruc
o yrdanc rac ofyn y adna+
bot o|e alon a|e dala. A gỽe+
dy karedigyon gussaneu
a geireu ry buchedic. ar uyr+
der megys ymadraỽd araỻ
hi a|uenegis idaỽ y dewin
yd oed yn|y geissaỽ. ac a|ve+
negis idaỽ ansaỽd y ỻys.
kanys yna y dathoed y deỽ+
in y orymdeith y blith y
reudusson tra yttoedit yn
rannu yr alỽissenneu.
A gỽedy adnabot o vreint
y dewin. ef a|erchis y chw+
aer y|nos honno dyuot yn
ỻetrat o|r ỻys hyt attaỽ ef
odieithyr y dinas ger ỻaỽ
hen demyl a|oed yn agos y|r
dinas. ac ynteu a|e harho+
ei hi yn|ỻechu ympenn y
garrec. Ac yn|y ỻe yd|aeth
breint ymplith toryf o|r reu+
| « p 64r | p 65r » |