LlGC Llsgr. Peniarth 5 (Llyfr Gwyn Rhydderch, rhan 1) – tudalen 103v
Ystoria Carolo Magno: Can Rolant
103v
177
lond y|nei y|ryd medyant ar
yr hanner arall. ac ony chyty*+
uny a hynny. ef a|th ynnir*
yg|karchar o|saragis. ac a|th ̷ ̷
dygir yn rỽym hyt yn freinc
y|wneuthur yna o|th anuod y
peth ny chyt·duuny yma o|th
vod. nev yntev y|diodefy aghev
val y gỽedda yn|enỽir. Ac we ̷+
ithon kymer y llythyr hỽnn
cayat y|mae charlymaen y+
n|y anuon yt ỽrth venegi it
a vo hyspyssach y gennadỽri
ry treitheis inhev ytti. Mar+
sli a dorres yr inseil. ac a|lea+
ỽd y llythyr yn vn agỽed ry
ystudyei yn hir yn llyurev lla+
din. a gỽedy y darllein. knithy+
aỽ y varyf lỽyt e|hun. a gỽa ̷+
allt y benn o dryc·yruerth a
menegi vdunt val hynn. a+
chaỽs y|drycyruerth. Vy|ffyd+
dlonnyon. i. gỽerendeỽch|ỽi me+
int traha gorchymun charly+
maen ymi trỽy y lythyr yn
achỽanec datkannyat y|gen+
nat. Dỽyn ar gof y|mae bot
galanas basin. a basil. y ỽyr
ef heb·y rydiỽc idaỽ ettỽa dr ̷+
os y rei y|mae yntev yn erchi
anuon idaỽ algalif vy eỽyth+
yr inhev y dienydhu yn dial
y|r lleill. ac ỽyntev ỽedy ry
lad o|e gyghor yntev. ac y|ma+
e yn tygu na chanhyatta yni
vn tagneued na gadu vy ene+
178
it y|minhev onyt gan hynny.
ac ỽrth hynny aỽn yg|kygor
vrth rodi atteb trỽy gygor y|r
kennadỽryaethev trahaus
hynny. a cherdet a oruc ychy+
dic y ỽrth y lluosogrỽyd hỽn+
nỽ. ac eisted y·dan wasgaỽt
prenn oliỽyd. ac yn|y gylch y+
chydic niuer o rei prudaf a
doethaf o|r a oed idaỽ. ac ym+
lith y rei hynny algalif eỽy+
thyr y|brenhin. a blaccand hen+
hafgỽr yr hỽnn a dechreuassei
kygor y bradỽryaeth. Ni a dy+
lyỽn heb·y blaccand galỽ ken+
nat y|ffreinc yn kynghor yr
hỽnn a ymrỽymaỽd a mi doe
trỽy ffyd. ac aruoll. a|r a ragly+
du o hynn allan yn lles ni.
Galỽer yntev heb·yr algalif.
ac yn gyulym yd|aeth blaccant
attaỽ a|e gymryt erbyn y laỽ
a|e dyỽyssaỽ hyt y kyghor.
Ac val hynn yd ymanhỽeda+
ỽd Marsli ac ef. Mi a|th·ieny+
ydya ỽryaanc. ac na dala
var ỽrthyf y|th vryt. am y co+
dyant yssyd gyuadef gennyf|i
ry|lidyaỽ ohonaf ỽrthyt|i. ac
myn y vantell honn yr honn
a|vernir yn well no|e chyme+
int o|r eur coethaf. nev o|vein
maỽrỽeirthaỽr* mi a|thi dien+
iỽaf di. a|thra yttoed yn dyỽe+
dut hynny. dodi y vantell am
vynỽgyl y|tyỽyssaỽc. a|e gyf+
| « p 103r | p 104r » |