LlGC Llsgr. Peniarth 7 – tudalen 50r
Ystoria Carolo Magno: Chronicl Turpin
50r
181
a|thranoeth y|bore doeth cyelmaen hyt y
glynn y mieri y|lle y|bvassei y|vrwy+
dyr o|blith y|kalaned a|dethol o|bawb
onadvnt y|gelein a|gaeei Ac yna
y|kaffat oliver yn varw ar ystynn
wedy y|rwymaw a|phetwar revawc
ac a|ffetwar pawl drwydvnt yn|y
dayar Ac yntev wedy y|vlinyaw
a|ffenestrv y|gorff a|ffob aryf A chwo
yna eu gwyr a|orugant ynyt|oed y
glynn yn gyvlawn o|lefein Ac yna
y|tynghawd cyelmaen yr brenhin o nef na
orffwyssei ef o ymlit y|paganyeit
yny ymodiwedei ac wynt Ac yn
diannot ev hymlit a|oruc; ac yna
y|ssevis yr hevl yn digyffro ysbeit
tri diwyrnawt idaw yglan afon
ebra Ac ar pyganyeit yn bwyta
y|godiwedawd cyelmaen wynt A dech ̷+
rev eu trychv a|orvc gerllaw sessar
avgustam vegis llew dywal y llad+
ei cyelmaen wynt Ac wedy llad pedeir
mil onadvnt ymchwelut a|oruc
y|lynn y mieri drachevyn A dwyn
y|kalaned yd|ymgeledit onadvnt
hyt ar gorff rolant Ac yna y|rod ̷+
es cyelmaen dev·wr y ornest am dwyll
wenwlyd y|dyall gwiryoned idaw
Nyt amgen pinabel dros wenwlyd
a|theodric dros cyelmaen; Ac yn|y lle
y|llas pinabel Ac yna y peris cyerlmaen.
rwymaw gwenwlyd wrth rawn
petwar meirch kadarn a|rodi
petwar gwyr arnadvnt o|y kym ̷+
182
hell y|betdeir* ban byt ac velly
y|llas gwenwlyd ac yth aeth y|eneu
vfferir* Ac yna iraw y|kalaned
a|wnaethbwyt ac Ireidyeu gwer ̷+
thvawr val yd|ymgeledit am ̷+
danadvnt A dwyn rei onadvnt
y|ffreinc ac yno y|kladwyt ev perved ̷+
ev y|mewn dwy vynwent a|oed
yno A dwyn korff rolant a|wn ̷+
aethbwyt hyt y|lle a|elwit blif Ac
yn eglwys seint rwmin y|klad ̷+
wyt. Yr|onn* a|barassei e|hvn y
gwneithur ay gledyf ay gorn vch
y|benn A gossot kanonwyr a|orvc
yndi a|rodi deudeng mil o aryan
ssallwyrev a|llawer o|vyssanev
eur a|gwisgoed anrydedus a|dogyn
o|vwyt a|diawt y anghanogyon
a|thir a|dayar ar seith milldir
yng|kylch eglwys seint rvmin
ar kastell ym blif ac a|ber vn idaw
Ac ef a|rodes y|ganonwyr y|lle
honno na bei geithiwet o|r byt
arnadvnt a|hyny o|garyat
rolant y|nei Namyn rodi dillat
y|dec anghanawc ar vgein vn+
weith bob blwydyn; yn gyvynw
yr dyd y|llas a|chanv dec llaswyr
ar|vgein ar gymeint arall o
efereneu A gwassaneth mar
dros y|rei a|gollet yna oll o|grist ̷+
onogyon ac a|verthyrwyt ar
kanonwyr ar ev llw a|edewis
hynny Ac odyna yd aeth cyelmaen
| « p 49v | p 50v » |