LlGC Llsgr. Peniarth 4 (Llyfr Gwyn Rhydderch, rhan 2) – tudalen 48r
Breuddwyd Macsen
48r
189
ẏn|ẏ llu bẏchan hỽnnỽ; noc eu
deu kẏmeint o|wẏr rufein. ac
ẏ dẏwespỽẏt ẏ|r amheraỽdẏr
o gỽelet e llu ẏn discẏnnu ẏn
emẏl ẏ lu ẏnteu ac ẏn pebẏllaỽ.
ac ny rẏ|welsei dẏn eiroet llu
tegach na chẏweirach nac arỽ+
ẏdon hardach noc oed hỽnnỽ
ẏn|ẏ veint. ac ẏ doeth elen ẏ
edrẏch ẏ llu. ac ẏd ad·nabu arỽ ̷+
ẏdon ẏ brodẏr. ac ẏna ẏ doeth
kẏnan vab eudaf ac adeon vab
eudaf ẏ ẏmwelet a|r amheraỽdyr.
ac ẏ bu lawen ẏr amheraỽdẏr
ỽrthunt. ac ẏd aeth dỽẏ·laỽ mẏ ̷+
nỽgẏl vdunt. ac ẏna ẏd edrẏch ̷+
assant ỽẏ ar wẏr rufein ẏn ẏm ̷+
lad a|r gaer. ac ẏ dẏwaỽt kẏnan
ỽrth ẏ vraỽt. Nini a|geissỽn ẏm ̷+
lad a|r gaer ẏn gallach no hẏn.
ac ẏna ẏ messurassant ỽẏnteu
hẏt nos vchet ẏ|gaer. ac ẏd ellẏ ̷+
gẏssant eu seiri ẏ|r coet. ac ẏ
gỽnaethpỽẏt ẏscaỽl ẏ pob pet ̷+
war|gỽẏr o·nadunt. a|gỽedẏ bot
hẏnnẏ ẏn paraỽt ganthunt.
Peunẏd y pob hanher dẏd ẏ kẏ ̷+
merei ẏ deu amheraỽdẏr eu
bỽẏt. ac ẏ peidẏnt ac ẏmlad|o|pop
parth hẏnẏ darfei ẏ paỽb uỽẏta.
a|r boredẏd ẏ kẏmerth gỽẏr ẏ ̷+
nẏs prẏdein eu bỽẏt ac ẏfet
a|wnaethant hẏnẏ oed·ẏnt urỽ+
ẏsc. a|phan ẏttoedẏnt ẏ|deu am ̷ ̷+
heraỽdẏr ac eu bỽẏt. Ẏ doeth
ẏ brẏtanẏeit ỽrth ẏ gaer a|dodi
eu hẏscolẏon ỽrthi. ac ẏn dian ̷+
ot ẏd aethant dros ẏ|gaer ẏ|mẏ ̷+
ỽn. Nẏ chauas ẏr amheraỽdẏr
newẏd aruot ẏ wiscaỽ ẏ arueu
190
ẏmdanaỽ; hẏnẏ doethant am
ẏ pen a|e lad a llawer ẏgẏt ac
ef. a|their nos a|thri dieu ẏ bu+
ant ẏn gỽastatau ẏ nifer a oed
ẏn|ẏ gaer ac ẏn gỽerascẏn ẏ
kastell. a rann arall o·nadunt
ẏn kadỽ ẏ gaer rac dẏuot neb
o lu maxen idi ẏnẏ darfei u+
dunt ỽẏ gỽastatau paỽb ỽrth
eu kẏghor. ac ẏna ẏ dẏwaỽt
maxen ỽrth elen luẏdaỽc.
Rẏued maỽr ẏỽ genhyf|i ar+
glỽẏdes heb ef nat imi ẏ gỽe+
rescẏnnei dẏ vrodẏr ti ẏ|gaer
hon. arglỽẏd amheraỽdẏr heb
hitheu; gỽeisson doethaf o|r
bẏt ẏỽ vẏ|mrodẏr. a dos titheu
rarcco* ẏ erchi ẏ gaer. ac os ỽy+
nteu a|e med hi; ti a|e keffẏ ẏn
llawen. ac ẏna ẏ doeth ẏr am+
heraỽdẏr ac elen ẏ erchi ẏ ga+
er. ac ẏna ẏ|dẏwedassant ỽẏ ̷ ̷+
nteu ỽrth ẏr amheraỽdẏr
nat oed weithret ẏ neb ẏ|gaf+
fel ẏ gaer nac ẏ|ỽ rodi idaỽ
ẏnteu namẏn ẏ wẏr ẏnẏs
prẏdein. ac ẏna ẏd agoret
pẏrth ẏ gaer rufein. ac ẏd eis+
tedỽẏs ẏr amheraỽdẏr ẏn|ẏ
gadeir. ac ẏ gỽedỽẏs idaỽ paỽb
o|wẏr rufein. ac ẏna ẏ|dẏwaỽt
ẏr amheraỽdẏr ỽrth kẏnan
ac adeon. Ha wẏrda heb ef.
cỽbẏl a|geueis i o|m hamhero+
draeth. a|r llu hỽnn mi a|e ro+
daf ẏ chwitheu ẏ werescẏn ẏ
gẏfeir ẏ mẏnhoch ar ẏ bẏt.
ac ẏna ẏ kerdassant ỽẏnteu
ac ẏ gỽerescẏnnassant gỽla+
doed a chestẏll a dinassoed.
| « p 47v | p 48v » |